പി ജയരാജന്‍ / ഫയല്‍ ചിത്രം
കേരളം
'ഇത്തരമൊരു അഭിപ്രായ പ്രകടനത്തോട് യോജിക്കുന്നില്ല' ; മകനെ തള്ളി പി ജയരാജന്‍
'ദൗര്‍ഭാഗ്യകരമായ മരണം നടന്ന ആ പ്രദേശത്ത് സമാധാനമുണ്ടാക്കാനുള്ള യജ്ഞത്തിലാണ് പാര്‍ട്ടി അനുഭാവികള്‍ ഏര്‍പ്പെടേണ്ടത്'
കണ്ണൂര്‍ : മകന്റെ ഫെയ്‌സ്ബുക്ക് പോസ്റ്റിനെ തള്ളി സിപിഎം നേതാവ് പി ജയരാജന്‍. ഏതു സാഹചര്യത്തിലാണ് മകന്‍ അത്തരത്തിലൊരു പോസ്റ്റ് ഇട്ടതെന്ന് അറിയില്ല.
പാനൂര്‍ സംഘര്‍ഷവുമായി ബന്ധപ്പെട്ടാണെങ്കില്‍ ഇത്തരമൊരു അഭിപ്രായ പ്രകടനത്തോട് താന്‍ യോജിക്കുന്നില്ല. ദൗര്‍ഭാഗ്യകരമായ മരണം നടന്ന ആ പ്രദേശത്ത് സമാധാനമുണ്ടാക്കാനുള്ള യജ്ഞത്തിലാണ് പാര്‍ട്ടി അനുഭാവികള്‍ ഏര്‍പ്പെടേണ്ടത് എന്ന് ജയരാജന്‍ ഫെയ്‌സ്ബുക്ക് പോസ്റ്റില്‍ സൂചിപ്പിച്ചു.
ഇരന്നുവാങ്ങുന്നത് ശീലമായിപ്പോയി എന്നാണ് പി ജയരാജന്റെ മകന്‍ രാവിലെ ഫെയ്‌സ്ബുക്കില്‍ കുറിപ്പിട്ടത്. ഇത് മാധ്യമങ്ങളിലടക്കം ചര്‍ച്ചയായതോടെയാണ് പ്രതികരണവുമായി പി ജയരാജന്‍ രംഗത്തെത്തിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
