തിരുവനന്തപുരം : തിരുവനന്തപുരം കോര്പറേഷനിലെ നികുതി തട്ടിപ്പ് കേസില് ഒരാള് അറസ്റ്റില്. ശ്രീകാര്യം സോണല് ഓഫിസിലെ ഓഫിസ് അറ്റന്ഡന്റ് ബിജുവിനെയാണ് പൊലീസ് അറസ്റ്റ് ചെയ്തത്. നികുതി തട്ടിപ്പ് വിവാദമായതോടെ ഒളിവിലായിരുന്ന ബിജുവിനെ പുലര്ച്ചെ കല്ലറ നിന്നാണ് ശ്രീകാര്യം പൊലീസ് അറസ്റ്റ് ചെയ്തത്.
സോണല് ഓഫീസില് ജനങ്ങള് അടയ്ക്കുന്ന കരം ബാങ്കില് അടയ്ക്കാതെ ഉദ്യോഗസ്ഥര് ക്രമക്കേട് നടത്തി എന്നാണ് കേസ്. തട്ടിപ്പ് നടത്തിയതായി കണ്ടെത്തിയ അഞ്ച് ജീവനക്കാരെ സസ്പെന്ഡ് ചെയ്തതായി മേയര് ആര്യ രാജേന്ദ്രന് വ്യക്തമാക്കിയിരുന്നു.
നേമം സോണില് മാത്രം 25 ലക്ഷം രൂപയുടെ ക്രമക്കേട് നടന്നുവെന്നാണ് കണ്ടെത്തിയത്. ശ്രീകാര്യത്ത് അഞ്ചു ലക്ഷവും ആറ്റിപ്രയില് ഒരു ലക്ഷം രൂപയുടേയും ക്രമക്കേട് കണ്ടെത്തിയിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ