കോട്ടയം: വിവാഹവാഗ്ദാനം നല്കി പീഡിപ്പിച്ച യുവതിയെ വീട്ടില് വിളിച്ചു വരുത്തി കൊലപ്പെടുത്താന് ശ്രമം. യുവതിയെ വെട്ടിക്കൊലപ്പെടുത്താന് ശ്രമിച്ച കോരൂത്തോട് കോസടി കുരിയിലംകാട്ടില് ഡെന്നീസ് ദേവസ്യയെ (31) പൊലീസ് അറസ്റ്റ് ചെയ്തു.
കാഞ്ഞിരപ്പള്ളി സ്വദേശിനിയുമായി പ്രണയത്തിലായ ഡെന്നീസ്, വിവാഹവാഗ്ദാനം നല്കി പീഡിപ്പിച്ചു. യുവതിയുടെ സ്വകാര്യചിത്രങ്ങള് ഇയാള് മൊബൈല് ഫോണില് പകര്ത്തുകയും ചെയ്തു. ഇതറിഞ്ഞ യുവതി ഡെന്നീസുമായുള്ള സൗഹൃദത്തില് നിന്ന് പിന്മാറുകയായിരുന്നു.
ബന്ധത്തില് നിന്നും പിന്മാറിയതിലുള്ള വിരോധംമൂലം കഴിഞ്ഞദിവസം രാത്രി ഡെന്നീസ് യുവതിയെ ചിത്രങ്ങള് കാണിച്ച് ഭീഷണിപ്പെടുത്തി. ചൊവ്വാഴ്ച രാത്രി എട്ടുമണിയോടെ താമസസ്ഥലത്തേക്ക് വിളിച്ചുവരുത്തി. തുടര്ന്ന് വാക്കത്തിക്ക് വെട്ടുകയായിരുന്നുവെന്ന് പൊലീസ് പറഞ്ഞു.
അക്രമത്തിന് ശേഷം സ്ഥലത്തു നിന്നും കടന്നുകളഞ്ഞ പ്രതിയെ മുണ്ടക്കയം പൊലീസാണ് അറസ്റ്റ് ചെയ്തത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു. ഡെന്നീസിനെതിരെ കട്ടപ്പന പൊലീസ് സ്റ്റേഷനില് പോക്സോ കേസ് നിലവിലുണ്ട്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ