ആശുപത്രിയിലെ, സിനിമാതിയേറ്ററിലെ
ഷോപ്പിങ്ങ് മാളിലെ
യൂറിനല്‍ ബൗളുകള്‍ കാണുമ്പോള്‍
രണ്ടാം ലോകമഹായുദ്ധത്തില്‍
എനിക്കൊപ്പം പരിക്കുപറ്റിക്കിടന്ന
മനുഷ്യനെ ഓര്‍മ്മവരുന്നു
അയാളുടെ കാലുകള്‍ രണ്ടും
അറ്റുപോയിരുന്നു
കയ്യുകള്‍ പിറകില്‍
കൂട്ടിക്കെട്ടിയിരുന്നു
യുദ്ധത്തിനു വരുമ്പോള്‍
അയാള്‍ കൊണ്ടുവന്ന തല
മാറ്റാരോ കൊണ്ടുപോയിക്കഴിഞ്ഞിരുന്നു
തൊട്ടുമുന്‍പിലുള്ള ഈ പകുതിയോട്
വര്‍ത്തമാനം പറയണമോ
എന്ന് ഞാന്‍ പുകഞ്ഞു
ചെവി കൈവശമില്ലാത്ത ഈ ഉപകരണം കൊണ്ട്
ഇനിയെന്ത് കാര്യം
എന്ന് ചിന്തിച്ചത് വെറുതെയായ്
കാര്യമുണ്ട്
അയാളുടെ മടിയിലേക്കെന്നപോലെ
മൂത്രമൊഴിക്കാനിരിക്കുമ്പോള്‍...
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
