മോസ്കോ : റഷ്യയില് ആശുപത്രിക്കെട്ടിടത്തിന് തീ പിടിച്ച് അഞ്ചു കോവിഡ് രോഗികള് വെന്തുമരിച്ചു. തീവ്രപരിചരണ വിഭാഗത്തില് വെന്റിലേറ്ററില് ചികില്സയില് കഴിഞ്ഞിരുന്ന രോഗികളാണ് മരിച്ചത്. സെന്റ് പീറ്റേഴ്സ് ബര്ഗിലെ ആശുപത്രിയിലെ ആറാം നിലയിലാണ് തീപിടുത്തമുണ്ടായത്.
തീപിടുത്തത്തില് എത്രപേര്ക്ക് പരിക്കേറ്റു എന്നതില് വ്യക്തതയില്ല. വെന്റിലേറ്ററിലുണ്ടായ ഷോര്ട്ട് സര്ക്യൂട്ടാണ് അപകടത്തിന് കാരണമായതെന്നാണ് പ്രാഥമിക നിഗമനം. ആശുപത്രിയില് നിന്നും 150 ഓളം പേരെ ഒഴിപ്പിച്ചതായി സര്ക്കാര് വൃത്തങ്ങള് വ്യക്തമാക്കി.
സെന്റ് പീറ്റേഴ്സ്ബര്ഗില് 5483 കോവിഡ് രോഗികളാണ് ചികില്സയിലുള്ളത്. റഷ്യയില് 2,21,344 പേര്ക്ക് ഇതിനകം രോഗം സ്ഥിരീകരിച്ചിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ