മോഹന്‍ലാല്‍ കോളജ് പ്രഫസറുടെ വേഷത്തിലെത്തുന്ന വെളിപാടിന്റെ പുസ്തകം ടീസര്‍ പുറത്തിറങ്ങി. ലാല്‍ജോസ്- മോഹന്‍ലാല്‍ കൂട്ടുകെട്ടിലെ ആദ്യത്തെ ചിത്രമാണിത്. പ്രഫസര്‍ മൈക്കിള്‍ ഇടിക്കുള എന്ന കഥാപാത്രത്തെയാണ് മോഹന്‍ലാല്‍ അവതരിപ്പിക്കുന്നത്.
52 സെക്കന്‍ഡ് ദൈര്‍ഘ്യമുള്ള ടീസറില്‍ മോഹന്‍ലാലും സലീം കുമാറും അലന്‍സിയറുമെല്ലാം വേഷമിടുന്നുണ്ട്. അവസാന നിമിഷത്തില്‍ പ്രേഷകര്‍ക്ക് ഉദ്വോഗഭരിതരാക്കുന്ന സീനും ഡയലോഗുമായാണ് ടീസര്‍ അവസാനിക്കുന്നത്. രസികനായ കോളജ് പ്രഫസറുടെ വേഷം മോഹന്‍ലാലിന് നന്നായി ചേരുന്നുമുണ്ട്.
ബെന്നി നായരമ്പലത്തിന്റെ രചന നിര്‍വ്വഹിക്കുന്ന ചിത്രത്തിന്റെ നിര്‍മ്മാണം ബെന്നി പി നായരമ്പലമാണ്. വിഷ്ണു ശര്‍മ്മയാണ് ക്യാമറ ചലിപ്പിക്കുന്നത്. അങ്കമാലി ഡയറീസിലൂടെ സിനിമയിലെത്തിയ അന്നാ രേഷ്മ രാജനാണ് ചിത്ത്രതിലെ നായിക. അനൂപ് മേനോന്‍, സിദ്ദിഖ്, സലീംകുമാര്‍, കലാഭവന്‍ ഷാജോണ്‍ തുടങ്ങി നിരവധി താരങ്ങളും ചിത്രത്തില്‍ സുപ്രധാന വേഷങ്ങളിലെത്തുന്നുണ്ട്. ഓഗസ്റ്റ് 31ന് ചിത്രം തിയേറ്ററുകളിലെത്തും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ