ലോസ്ഏയ്ഞ്ചല്‍സ്: ഓസ്‌കര്‍ പുരസ്‌കാര പ്രഖ്യാപന വേദിയില്‍ അവതാരകര്‍ക്കു തെറ്റു പറ്റിയതിനെത്തുടര്‍ന്ന് മികച്ച ചിത്രത്തിനുള്ള അവാര്‍ഡ് മാറി നല്‍കി. മികച്ച ചിത്രം ലാ ലാ ലാന്‍ഡ് എന്നാണ് അവതാരകര്‍ പ്രഖ്യാപിച്ചത്. തുടര്‍ന്ന് അണിയറ പ്രവര്‍ത്തകര്‍ വേദിയിലെത്തി പുരസ്‌കാരം സ്വീകരിച്ചു. ഇതിനിടയിലാണ് പ്രഖ്യാപനം മാറിപ്പോയ വിവരം ശ്രദ്ധയില്‍ പെട്ടത്. മൂണ്‍ ലൈറ്റിനാണ് മികച്ച ചിത്രത്തിനുള്ള പുരസ്‌കാരമെന്ന് പിന്നാലെ പ്രഖ്യാപനം വന്നു. മികച്ച സംവിധായകന്‍ ഉള്‍പ്പെടെ ആറു പുരസ്‌കാരങ്ങളാണ് ലാ ലാ ലാന്‍ഡ് നേടിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ