കുറച്ച്‌ മാസങ്ങള്‍ക്ക് മുന്‍പ് ലോസ് ആഞ്ചലസ് വീമാനത്താവളത്തിലെത്തിയ ദീപികയെ പ്രിയങ്ക ചോപ്രയെന്ന് തെറ്റിദ്ധരിച്ചായിരുന്നു പാശ്ചാത്യ മാധ്യമങ്ങള്‍ വാര്‍ത്ത നല്‍കിയത്. ഒരു അബദ്ധം ആര്‍ക്കും പറ്റുമെന്ന് പറഞ്ഞ് അതങ്ങ് ക്ഷമിക്കാം. എന്നാലിപ്പോള്‍ പാശ്ചാത്യ മാധ്യമങ്ങള്‍ക്ക് വീണ്ടും അതേ അബദ്ധം പിണഞ്ഞിരിക്കുകയാണ്.
കാന്‍സ് ഫിലിം ഫെസ്റ്റിവെല്ലിന്റെ റെഡ് കാര്‍പ്പറ്റിലെത്തിയ സോനം കപൂറിനെ ദീപിക പതുക്കോണായി മാറ്റിയാണ് അമേരിക്കന്‍ ഫോട്ടോ ഏജന്‍സി സോനത്തിന്റെ ചിത്രത്തിന് ക്യാപ്ഷനിട്ടത്.
എന്നാല്‍ ഇന്തന്‍ താരങ്ങളുടെ പേരുകള്‍ പശ്ചാത്യമാധ്യമങ്ങള്‍ തെറ്റായി നല്‍കുന്നത് മനപൂര്‍വമാണെന്നാണ് വിമര്‍ശനം ഉയരുന്നത്. തന്റെ ചിത്രത്തില്‍ പ്രിയങ്ക ചോപ്രയെന്ന് ഒരു മാധ്യമം റിപ്പോര്‍ട്ട് ചെയ്തത് വംശിയതയുടെ ഉദാഹരണമാണെന്നായിരുന്നു ദീപിക പദുക്കോണിന്റെ പ്രതികരണം.
ഒരേ നിറത്തിലുള്ള രണ്ട് പേര് ഒന്നല്ല. പാശ്ചാത്യ മാധ്യമങ്ങള്‍ പേര് തെറ്റിച്ച് നല്‍കുന്നത് അശ്രദ്ധകൊണ്ടല്ല. വംശിയ വിദ്വേഷമാണ് ഇതിന്റെ പിന്നിലെന്നും ദീപിക വിമര്‍ശിച്ചിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ