സൂപ്പര്‍സ്റ്റാര്‍ മോഹന്‍ലാല്‍ അഭിനയിച്ച വെളിപാടിന്റെ പുസ്തകം എന്ന ചിത്രത്തിലൂടെയാണ് 'എന്റമ്മേടെ ജിമിക്കിക്കമ്മല്‍' എന്ന ഗാനം പുറത്തുവരുന്നത്. എന്നാല്‍ പിന്നീട് ആ താളം ലോകം മുഴുവനങ്ങ് ഏറ്റെടുക്കുകയായിരുന്നു. ലോകത്തിലെ ഏറ്റവും വലിയ മാധ്യമങ്ങളിലൊന്നായ ബിബിസി ന്യൂസില്‍ വരെ ഗാനമെത്തി.
ഈ ഗാനത്തിന് സിനിമയില്‍ ചുവടുവെച്ചത് ശരത്കുമാറും ജൂഡ് ആന്റണിയുമാണ്. സിനിമയില്‍ പാട്ടിനൊടുവില്‍ സൈക്കിള്‍ ചവിട്ടി വരുന്ന മോഹന്‍ലാല്‍ മാത്രമാണുള്ളത്. ഇനി ആരാധകര്‍ക്കുവേണ്ടി മോഹന്‍ലാലും ഇതേ ഗാനത്തിന് ചുവടുവയ്ക്കുകയാണ്. കൊച്ചിയില്‍ പല സ്ഥലങ്ങളിലായി ജിമിക്കി കമ്മലിന് മോഹന്‍ലാല്‍ ചുവടു വയ്ക്കുന്നത് ചിത്രീകരിക്കും. മലയാളത്തിലെ മറ്റു പ്രമുഖതാരങ്ങളും ഗാനത്തില്‍ എത്തുന്നുണ്ട്.
ചുരുങ്ങിയ ദിവസങ്ങള്‍കൊണ്ടാണ് ഈ ഗാനം 2017ലെ ഇന്ത്യയിലെ ആദ്യ പത്തു ഗാനങ്ങളില്‍ ഒന്നാം സ്ഥാനം നേടിയത്. ഗാനത്തിന്റെ ഒറിജിനല്‍ വേര്‍ഷനേക്കാള്‍ ഹിറ്റായത് ഇൗ പാട്ട് വെച്ച് കേരളത്തിലെ കോളജ് വിദ്യാര്‍ത്ഥിനികള്‍ കളിച്ച നൃത്തമാണുള്ളതും ജിമിക്കി കമ്മലിന്റെ പ്രത്യേകതയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ