പ്രിയ വാര്യരുടെ കണ്ണിറുക്കലില്‍ വീണുപോയ സെലിബ്രിറ്റികളില്‍ ഒരാളാണ് തെലുങ്ക് യുവതാരം അല്ലു അര്‍ജുന്‍. പ്രിയയുടെ കണ്ണിറുക്കലില്‍ അല്ലുവിന്റെ ചങ്കിലാണ് കൊണ്ടിരിക്കുന്നത്. ഇപ്പോഴും അതിന്റെ ഹാങ്ഓവറിലാണ് താരം. ഇപ്പോള്‍ പ്രിയയെ അനുകരിച്ചുകൊണ്ട് വീഡിയോ ഇട്ടിരിക്കുകയാണ് അല്ലു അര്‍ജുന്‍. മകനൊപ്പമുള്ള താരത്തിന്റെ കണ്ണിറുക്കലാണ് സോഷ്യല്‍ മീഡിയയില്‍ വൈറലായിക്കൊണ്ടിരിക്കുന്നത്.
ക്ലാസ് റൂമില്‍ നിന്നുള്ള പ്രിയയുടേയും റോഷന്റേയും രംഗമാണ് അച്ഛനും മകനും തകര്‍ത്ത് അഭിനയിക്കുന്നത്. കട്ടിലിന് മുകളില്‍ കയറിയിരിക്കുന്ന അയാന്‍ അച്ഛന്റെ ഗണ്‍ഷൂട്ടേറ്റ് കട്ടിലിലേക്ക് വീഴുന്നതാണ് വീഡിയോയില്‍. ഒരു അഡാര്‍ ലൗ സ്‌റ്റോറിയിലെ സംഗീതവും പശ്ചാത്തലത്തില്‍ കേള്‍ക്കാം. പ്രിയ തന്നെയാണ് തന്റെ ഇന്‍സ്റ്റഗ്രാം പോസ്റ്റിലൂടെ വീഡിയോ പങ്കുവെച്ചത്. മണിക്കൂറുകള്‍ക്കുള്ളില്‍ ലക്ഷക്കണക്കിന് ലൈക്കാണ് വീഡിയോക്ക് ലഭിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ