തൃശ്ശൂര്‍: ചലച്ചിത്ര അഭിനേതാക്കളുടെ സംഘടനയായ അമ്മ സത്യത്തില്‍ അപ്പന്‍മാരുടെ സംഘടനയാണെന്നും ഇനിയും അതില്‍ തുടരുന്ന സ്ത്രീകളും അപ്പന്‍മാരാണെന്നും എഴുത്തുകാരിയും സാമൂഹ്യ പ്രവര്‍ത്തകയുമായ സാറാ ജോസഫ്. തങ്ങള്‍ക്കുണ്ടാകുന്ന അഭിമാനക്ഷതത്തെയും കുറഞ്ഞ കൂലിയെയും കുറിച്ച് അവര്‍ക്ക് ബോധമില്ലെന്നും അവര്‍ പറഞ്ഞു.
ഒരു സ്ത്രീ പീഡിപ്പിക്കപ്പെട്ട സംഭവത്തില്‍ രണ്ടഭിപ്രായമുണ്ടായി എന്നത് തന്നെ അനാരോഗ്യകരമായ പ്രവണതയാണെന്നും ഫിലിം സൊസൈറ്റീസ് ഫെഡറേഷന്റെ അവള്‍ക്കൊപ്പം പരിപാടിയില്‍ അവര്‍ പറഞ്ഞു.
ആക്രമിക്കപ്പെട്ട നടിക്ക് പിന്തുണ പ്രഖ്യാപിച്ചു കൊണ്ട് ഫിലിം സൊസൈറ്റി പ്രവര്‍ത്തകരാണ് തൃശ്ശൂരില്‍ പരിപാടി സംഘടിപ്പിച്ചത്.അമ്മയില്‍ തുടരുന്ന സ്ത്രീസമൂഹം പേടിപ്പെടുത്തതാണെന്ന് സംവിധായകന്‍ കമലും പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ