തന്റെ ട്വിറ്റര്‍ അക്കൗണ്ട് ഹാക്ക് ചെയ്യപ്പെട്ടെന്ന് തമിഴ് സൂപ്പര്‍താരം തൃഷ. സൂപ്പര്‍ഹിറ്റായി തിയേറ്ററുകളില്‍ ഓടിക്കൊണ്ടിരിക്കുന്ന '96' കണ്ട് ആരാധന തലയ്ക്ക് പിടിച്ച ആരെങ്കിലുമാവും എന്നാണ് ആരാധകര്‍ പറയുന്നത്.
ദിവ്യപ്രണയത്തിന്റെ കഥ പറയുന്ന ജാനകിയെയും രാമചന്ദ്രനെയും പ്രേക്ഷകര്‍ രണ്ട് കൈയ്യും നീട്ടി സ്വീകരിച്ചതിന് പിന്നാലെയാണ് അക്കൗണ്ടും ഹാക്ക് ചെയ്യപ്പെട്ടത്. ഇതോടെ താരം തന്നെ അഭ്യര്‍ത്ഥനയുമായി രംഗത്തെത്തുകയായിരുന്നു.
തന്റെ അക്കൗണ്ടില്‍ നിന്നും ഹാക്കര്‍മാര്‍ സ്വകാര്യ സന്ദേശങ്ങള്‍ അയച്ചിട്ടുണ്ടെന്ന കാര്യം അവര്‍ സ്ഥിരീകരിച്ചിട്ടുണ്ട്. എന്നാല്‍പൊലീസില്‍ പരാതി നല്‍കുമോ എന്ന് അവര്‍ വ്യക്തമാക്കിയിട്ടില്ല.
ജല്ലിക്കെട്ട് സമര സമയത്തും തൃഷയുടെ അക്കൗണ്ട് ഹാക്ക് ചെയ്യപ്പെട്ടിരുന്നു. രജനീകാന്തിനൊപ്പമുള്ള 'പേട്ട'യാണ് തൃഷയുടെ റിലീസിനൊരുങ്ങുന്ന ചിത്രം. ഇരുവരുമൊന്നിക്കുന്ന ആദ്യ ചിത്രം കൂടിയാകും ഇത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ