വിജയ് സേതുപതി- തൃഷ കൂട്ടുകെട്ടിലെ ഹിറ്റ്‌ ചിത്രം 96ലെ കാതലേ കാതലേ എന്ന ഗാനം ലക്ഷങ്ങള്‍ ഏറ്റുപാടിക്കൊണ്ടിരിക്കുകയാണ്. ഈ ഗാനം കേട്ട ഓരോ ആള്‍ക്കും ഒരു സംശയമുണ്ടാകും, ഗാനത്തിലുള്ള മൃഗത്തിന്റെ ഓരിയിടല്‍ പോലുള്ള ശബ്ദം എന്തായിരുന്നുവെന്ന്. അതൊരു തിമിംഗലത്തിന്റെ കരച്ചിലായിരുന്നു!അതേ, അങ്ങനെയൊരു ശബ്ദം ഗാനത്തില്‍ ഉള്‍പ്പെടുത്തിയതിനെ കുറിച്ച് സംഗീത സംവിധായകന്‍ ഗോവിന്ദ് വസന്ത പറയുന്നത് ഇങ്ങനെ:
ഓരിയിടല്‍ ശബ്ദം തിമിംഗലത്തിന്റെ കരച്ചിലാണ്. സമുദ്രത്തിലെ ഭീമാകാരനായ തിമിംഗലത്തിന് ഒരാകാശപ്പറവയോടുള്ള പ്രണയം. ചൂളം വിളി പോലെ തോന്നിക്കുന്ന ഒരു പ്രത്യേക ശബ്ദത്തോടെയാണ് ഗാനം തുടങ്ങുന്നത്. വയലിനോടൊപ്പം ഈ ശബ്ദവും ഇഴചേര്‍ന്നപ്പോള്‍ പ്രേക്ഷകര്‍ക്കും പുതുമയായി. സിനിമയുടെ പ്രമേയം പോലെ ഒരിക്കലും ഒരുമിക്കാന്‍ സാധിക്കാത്തവരാണ് ആകാശപ്പറവയും തിമിംഗലവും. ഈ സമാനതയാണ് ഇങ്ങനെയൊരു പരീക്ഷണത്തിനു പ്രചോദനമായത്- ഗോവിന്ദ് പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ