ബോളിവുഡ് നടി ഇഷാ ഗുപ്തയുടെ സ്വാതന്ത്ര്യദിന സന്ദേശം വിവാദത്തിൽ. സ്വാതന്ത്ര്യദിനത്തിൽ റിപ്പബ്ലിക് ദിനാശംസ നേർന്ന് പുലിവാല് പിടിച്ചിരിക്കുകയാണ് ഇഷ‌. ട്വിറ്ററിൽ ആയിരുന്നു നടി ആശംസകൾ നേർന്നത്. ഒരു ചിത്രത്തിനൊപ്പമാണ് റിപ്പബ്ലിക് ദിനാശംസ നേർ‌ന്നുകൊണ്ടുള്ള ഇഷയുടെ ട്വീറ്റ് എത്തിയത്. 
‍
ട്രോളുകൾ നിറഞ്ഞതോടെ തന്റെ അക്കൗണ്ട് ഹാക്ക് ചെയ്യപ്പെട്ടെന്ന് ഇഷ അറിയിച്ചു. തന്റെ അക്കൗണ്ടിൽ നിന്ന് വരുന്ന മെസേജുകൾക്ക് മറുപടി നൽകരുതെന്ന് മുന്നറിയിപ്പ് നൽകുകയായിരുന്നു താരം. 

കുറച്ചുസമയത്തിനുള്ള അക്കൗണ്ടിന്റെ നിയന്ത്രണം തിരിച്ചുകിട്ടിയെന്നും ഇഷ അറിയിച്ചു. ഒടുവിൽ പഴയ ട്വീറ്റ് ഡലീറ്റ് ചെയ്ത് സ്വാതന്ത്ര്യദിന ആശംസ കുറിക്കുകയായിരുന്നു ഇഷ.