രാജ്യത്ത് പൗരത്വ ഭേദഗതി ബിൽ നടപ്പാക്കുന്നതിൽ പ്രതിഷേധിച്ച് ജാമിയ മിലിയ വിദ്യാർത്ഥികൾ നടത്തുന്ന പ്രതിഷേധത്തിൽ തന്റെ പ്രതികരണം അറിയിക്കാൻ ബോളിവുഡിലെ കിംഗ് ഖാൻ ഷാറൂഖിനോട് ആവശ്യപ്പെട്ടിരിക്കുകയാണ് നടനും റേഡിയോ ജോക്കിയുമായ റോഷന്‍ അബ്ബാസ്. ജാമിയയിലെ പൂർവ വിദ്യാർത്ഥിയായ ഷാറൂഖ് ഈ വിഷയത്തിൽ നിശബ്ദനായിരിക്കുന്നതിനെ വിമർശിക്കുകയാണ് റോഷൻ.
"എന്തെങ്കിലും പറയൂ ഷാരൂഖ് ഖാന്‍, നിങ്ങളും ജാമിയയില്‍ നിന്നു തന്നെയല്ലേ. ആരാണ് നിങ്ങളെ നിശബ്ദനാക്കിയത്", #istandwithjamiamiliastudents എന്ന ഹാഷ്ടാഗോടെയായിരുന്നു റോഷന്റെ ട്വീറ്റ്.
ജീമിയ മിലിയ സര്‍വകലാശാലയില്‍ സഹപാഠികളായിരുന്നു ഷാരൂഖും റോഷനും. ഇവിടെ മാസ് കമ്മ്യൂണിക്കേഷന്‍ ബിരുദാനന്തരബിരുദപഠനത്തിനിടെയാണ് ഷാരൂഖ് സിനിമയിലെത്തുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ