റിലീസ് ചെയ്ത് ദിവസങ്ങള്‍ക്കുള്ളിലാണ് ധനുഷും സായ് പല്ലവിയും തകര്‍ത്താടിപ്പാടിയ 'റൗഡി ബേബി' ബില്‍ബോര്‍ഡ് ചാര്‍ട്ടില്‍ കയറിക്കൂടിയത്. ഒറ്റ ഡാന്‍സിലൂടെ സായ് പല്ലവി കീഴടക്കിയത് ഇതുവരെ ഇരുപതരക്കോടി ഹൃദയങ്ങളാണ്.
ഫാസ്റ്റ് നമ്പര്‍ ഡാന്‍സായ റൗഡി ബേബിക്ക് കൊറിയോഗ്രഫി ചെയ്തത് പ്രഭുദേവയാണ്. ഡാന്‍സ് ചെയ്ത് തകര്‍ക്കുന്ന ധനുഷിനൊപ്പം മിന്നു പ്രകടനവുമായി സായി പല്ലവി എത്തിയപ്പോള്‍ റെക്കോര്‍ഡുകള്‍ പഴങ്കഥയാവുകയായിരുന്നു.
മാരി-2വിലെ ഗാനത്തിന് സംഗീതം നല്‍കിയത് യുവാന്‍ ശങ്കര്‍ രാജയാണ്. തെന്നിന്ത്യയില്‍ ഏറ്റവുമധികം ആളുകള്‍ കണ്ട ഗാനമെന്ന റെക്കോര്‍ഡാണ് 'റൗഡി ബേബികള്‍' അവസാനം സ്വന്തമാക്കിയത്. നിവിന്‍ പോളിക്കൊപ്പം 'പ്രേമ'ത്തിലും തകര്‍പ്പന്‍ ഡാന്‍സായിരുന്നു മലയാളികളുടെ 'മലര്‍ മിസ് ' നടത്തിയത്. ഡാന്‍സ് റിയാലിറ്റി ഷോയിലൂടെയാണ് സായ് പല്ലവി വെള്ളിത്തിരയിലേക്ക് എത്തിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ