തീയറ്ററുകളില്‍ മികച്ച പ്രതികരണം നേടി മുന്നേറുന്ന കുമ്പളങ്ങി നൈറ്റ്‌സിന്റെ അണിയറവിഡിയോ പുറത്തുവിട്ടു. സിനിമയിലെ ഷെയിന്‍ നിഗം കഥാപാത്രം ബോബിയുടെ സുഹൃത്ത് സുമേഷിന്റെ കല്ല്യാണാഘോഷങ്ങളുടെ മേക്കിങ് വിഡിയോയാണ് ഇപ്പോള്‍ പുറത്തുവന്നിട്ടുള്ളത്. വിവാഹാഘോഷത്തിന്റെ ഭാഗമായുള്ള നാടന്‍ പാട്ടിന്റെ റിഹേഴ്‌സലാണ് വിഡിയോയിലുള്ളത്.
ഇപ്റ്റയുടെയും പാണ്ഡവാസ് ഇളന്തലക്കൂട്ടത്തിന്റെയും നേതൃത്വത്തിലുള്ള സംഘമാണ് വിഡിയോയിലുള്ളത്. സിനിമയിലെ അഭിനേതാക്കളെയും അണിയറപ്രവര്‍ത്തകരെയും ഒന്നിച്ച് വിഡിയോയില്‍ കാണാം. നാടാന്‍ പാട്ടിനൊപ്പം ചുവടുവയ്ക്കുന്നതാണ് ദൃശ്യങ്ങളില്‍.
ഫഹദ് ഫാസില്‍, ഷെയ്ന്‍ നിഗം, സൗബിന്‍ സാഹിര്‍, ശ്രീനാഥ് ഭാസി എന്നിവരെ പ്രധാന കഥാപാത്രങ്ങളാക്കി മധു സി. നാരായണന്‍ ഒരുക്കിയ ചിത്രമാണ് കുമ്പളങ്ങി നൈറ്റ്‌സ്. ഫഹദ്, നസ്രിയ, ദിലീഷ് പോത്തന്‍, ശ്യാം പുഷ്‌കരന്‍ എന്നിവര്‍ ചേര്‍ന്നാണ് നിര്‍മാണം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ