അഭിനയം മാത്രമല്ല ക്രിക്കറ്റും തനിക്ക് വഴങ്ങുമെന്ന് തെളിയിച്ചിരിക്കുകയാണ് ബോളിവുഡ് നടി കത്രീന കൈഫ്. താരത്തിന്റെ ഏറ്റവും പുതിയ ചിത്രം ഭാരതിന്റെ ഷൂട്ടിങ് സെറ്റില്‍ നിന്നുള്ള വിഡിയോയാണ് ഇപ്പോള്‍ സമൂഹമാധ്യമങ്ങളില്‍ വൈറലാകുന്നത്. ബോളുകള്‍ ബൗണ്ടറി പായിച്ച് കത്രീനയുടെ കിടിലന്‍ ബാറ്റിങ് പ്രകടനമാണ് വിഡിയോയില്‍ കാണാന്‍ കഴിയുക.
കത്രീന തന്നെയാണ് വിഡിയോ ആരാധകരുമായി പങ്കുവച്ചതും. സുഹൃത്തും നടിയുമായ അനുഷ്‌ക ശര്‍മ്മയോട് ഒരു അഭ്യര്‍ത്ഥനയും താരം നടത്തിയിട്ടുണ്ട്. വിരാടിനോട് തന്റെ കഴിവിനെക്കുറിച്ച് സംസാരിക്കണമെന്നാണ് കത്രീന ആവശ്യപ്പെട്ടിരിക്കുന്നത്. മോശമല്ലാത്ത ഒരു ഓള്‍റൗണ്ടറാണ് താനെന്നും താരം കൂട്ടിച്ചേര്‍ത്തു.
ഭാരതിന്റെ ഷൂട്ടിങ്ങിന് പാക്കപ്പ് പറഞ്ഞ ശേഷമാണ് കത്രീനയുടെ ക്രിക്കറ്റ് പരിശീലനം. നടി പ്രീതി സിന്റ അടക്കം പല പ്രമുഖരും കത്രീനയുടെ പോസ്റ്റില്‍ കമന്റുകള്‍ കുറിച്ചു. കിങ്‌സ് 11 പഞ്ചാബിന്റെ ഉടമയായ പ്രീതി കത്രീനയെ തന്റെ ടീമിലെടുത്തു എന്നാണ് കമന്റ് കുറിച്ചത്. വേഗം അത് ചെയ്യു, ഞാന്‍ കളിക്കട്ടെ എന്നാണ് കത്രീന നല്‍കിയ മറുപടി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ