സിദ്ധാര്‍ഥ് ആനന്ദ് സംവിധാനം ചെയ്യുന്ന ആക്ഷന്‍ ത്രില്ലര്‍ ചിത്രം 'വാര്‍' തീയേറ്ററുകളിലെത്താൻ കാത്തിരിക്കുകയാണ് ആരാധകർ. ഹൃത്വികും ടൈഗര്‍ ഷ്രോഫും ഒന്നിച്ചെത്തുന്നു എന്നത് തന്നെയാണ് ഈ കാത്തിരിപ്പുകളുടെ പിന്നിലെ കാരണവും. മികച്ച നർത്തകൻ കൂടിയായ ടൈഗറിനെ ഹൃത്വിക് റോഷനുമായാണ് പലപ്പോഴും താരതമ്യം ചെയ്യുന്നത്. ഹൃത്വിക്കിനെ താന്‍ ആരാധ്യ പുരുഷനായാണ് കാണുന്നതെന്ന് ടൈഗറും അഭിമുഖങ്ങളിൽ പറഞ്ഞിട്ടുണ്ട്.
ഇപ്പോഴിതാ ടൈഗറിനൊപ്പം ചിലവഴിച്ച ദിനങ്ങളെക്കുറിച്ച് ഹൃത്വിക്കും വാചാലനായിരിക്കുകയാണ്. ടൈറിനൊപ്പമുള്ള ചിത്രീകരണദിനങ്ങള്‍ അത്യധികം സന്തോഷമുള്ളതായിരുന്നെന്നാണ് ഹൃത്വിക്കിന്റെ വാക്കുകള്‍. "ടൈറിനെക്കുറിച്ച് ഞാന്‍ എന്ത് പറഞ്ഞാലും കുറഞ്ഞുപോകും . എന്തുതന്നെ പറഞ്ഞാലും എന്റെ വാക്കുകള്‍ക്ക് ടൈഗര്‍ ഷറോഫ് എന്ന നടന്റെ ടാലന്റിനോട് നീതികാണിക്കാന്‍ കഴിയില്ല", ഹൃത്വിക് പറഞ്ഞു.
യഷ് രാജ് ഫിലിംസിന്റെ ബാനറില്‍ ആദിത്യ ചോപ്രയാണ് ഈ ബിഗ് ബജറ്റ് ചിത്രം നിര്‍മിക്കുന്നത്. ചിത്രത്തിന്റെ തിരക്കഥ എഴുതുന്നത് മലയാളിയായ സുരേഷ് നായരാണ്. സംഗീതം വിശാല്‍- ശേഖര്‍. ഛായാഗ്രഹണം അയനങ്ക ബോസ് നിര്‍വഹിക്കുന്നു. ചിത്രം ഒക്ടോബര്‍ രണ്ടിന് തിയറ്ററുകളിലെത്തും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ