ബോളിവുഡിൽ അരങ്ങേറ്റം കുറിക്കാൻ ഒരുങ്ങി യുവനടൻ റോഷന് മാത്യു. അനുരാഗ് കശ്യപ് സംവിധാനം ചെയ്യുന്ന ചിത്രത്തിലൂടെയാണ് റോഷൻ ബോളിവുഡിലേക്ക് കടക്കുന്നത്. നടിയും സംവിധായകയുമായ ഗീതു മോഹന്‍ദാസ് ആണ് ഇക്കാര്യം പുറത്തുവിട്ടത്.
റോഷന് അനുരാഗ് ചിത്രത്തിലേക്ക് ക്ഷണം ലഭിച്ചെന്നും ഇന്ന് മുംബൈയില്‍ ചിത്രീകരണം ആരംഭിക്കുകയാണെന്നും ഗീതു അറിയിച്ചു. സമൂഹമാധ്യമങ്ങളിലൂടെയാണ് ഇക്കാര്യം പുറത്തുവിട്ടത്. ഗീതു സംവിധാനം ചെയ്യുന്ന മൂത്തോൻ എന്ന സിനിമയിലാണ് റോഷൻ ഏറ്റവുമൊടുവിൽ അഭിനയിച്ചത്.
മൂത്തോന്റെ ചിത്രീകരണം പൂര്‍ത്തിയായെന്നും പോസ്റ്റ് പ്രൊഡക്ഷന്‍ ജോലികള്‍ പുരോഗമിക്കുകയാണെന്നും ഗീതു അറിയിച്ചു. ചിത്രം ഉടൻ റിലീസ് ചെയ്യുമെന്നും ഗീതു പോസ്റ്റിൽ കുറിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ