സിനിമയുടെ വിജയിച്ചപ്പോൾ സംവിധായകൻ സമ്മാനമായി നൽകിയ ആഡംബര വാഹനമായ റോള്‍സ് റോയ്സ് ഫാന്റം കാര്‍ അമിതാഭ് ബച്ചന്‍ വിറ്റു. സംവിധായകനായ വിധു വിനോദ് ചോപ്ര സമ്മാനിച്ച വാഹനമാണ് അമിതാഭ് വിറ്റ‌ത്. വിധു സംവിധാനം ചെയ്ത് അമിതാഭ് അഭിനയിച്ച ഏകലവ്യ എന്ന ചിത്രത്തിന്റെ വിജയത്തെ തുടർന്നാണ് കാർ സമ്മാനമായി നൽകിയത്.
മുംബൈ മിറർ പത്രമാണ് താരത്തിന്റെ വാഹനവിൽപനയെക്കുറിച്ച് റിപ്പോർട്ട് ചെയ്തത്. എന്നാൽ എത്ര രൂപയ്ക്കാണ് വിൽപന നടന്നത് എന്ന് വ്യക്തമല്ല. വിൽപനയെക്കുറിച്ച് അമിതാബും വിവരങ്ങളൊന്നും പങ്കുവച്ചിട്ടില്ല. 3.5 കോടിയാണ് വാഹനത്തിന്റെ യഥാർത്ഥ വില. മുംബൈ കേന്ദീകരിച്ചുളള ഒരു വ്യവസായി ആണ് കാർ വാങ്ങിയതെന്നാണ് മുംബൈ മിറർ റിപ്പോർട്ട്.
മെഴ്സീഡസ് എസ് ക്ലാസ്, റെയ്ഞ്ച് റോവര്‍, ബെന്റ്ലി ജി.ടി, ലെക്സസ് എസ്.യു.വി എന്നിങ്ങനെ കാറുകളുടെ നീണ്ട നിര തന്നെയാണ് ബച്ചന്റെ വാഹന ലിസ്റ്റിൽ ഇടം നേടിയിട്ടുള്ളത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ