മോഹന്ലാല്-പൃഥ്വിരാജ്-മുരളിഗോപി കൂട്ടുകെട്ടിൽ പിറന്ന തീയേറ്ററുകളിൽ ആവേശമുയർത്തിയ സിനിമയാണ് ലൂസിഫർ. ഇപ്പോഴിതാ ചിത്രത്തിന്റെ രണ്ടാം ഭാഗത്തെക്കുറിച്ചുള്ള ചർച്ചകളാണ് ചൂടുപിടിക്കുന്നത്. ലൂസിഫറിന്റെതായി പുറത്തുവന്ന 30ഓളം ക്യാരക്ടർ പോസ്റ്ററുകളിൽ ഏറ്റവും അവസാനം പുറത്തുവിട്ട മോഹൻലാൽ കഥാപാത്രം ഖുറേഷി അബ്റാമിന്റെ പോസ്റ്ററാണ് രണ്ടാം ഭാഗത്തെക്കുറിച്ചുള്ള ചർച്ചകൾക്ക് തുടക്കമിട്ടത്. അവസാനം ആരംഭത്തിന്റെ തുടക്കം എന്ന അടിക്കുറിപ്പോടെയാണ് പോസ്റ്റർ പുറത്തുവന്നത്.
ഇപ്പോഴിതാ രണ്ടാം ഭാഗം എത്തുമെന്ന് ഉറപ്പ് നൽകുന്നതാണ് തിരകഥാകത്ത് മുരളി ഗോപിയുടെ പുതിയ പോസ്റ്റ്. കാത്തിരിപ്പ് അധികം നീളില്ല എന്നാണ് മുരളി ഗോപിയുടെ പോസ്റ്റ്. സ്റ്റീഫൻ നെടുമ്പള്ളി എന്ന നായക കഥാപാത്രത്തിൽ നിന്ന് ക്ലൈമാക്സിലേക്കടുത്തപ്പോൾ ഖുറേഷി അബ്റാമെന്ന അധോലോക നായകനായി മാറിയ മോഹൻലാൽ കഥാപാത്രത്തേ കേന്ദ്രീകരിച്ചാവും ചിത്രത്തിന്റെ രണ്ടാം ഭാഗമെന്നാണ് വിലയിരുത്തലുകൾ.
രണ്ടാം ഭാഗത്തെക്കുറിച്ചുള്ള മുരളിയുടെ പോസ്റ്റ് ഏറെ ആവേശത്തോടെയാണ് ആരാധകർ ഏറ്റെടുത്തിരിക്കുന്നത്. എൽ2 എന്ന ഹാഷ്ടാഗോടെ രണ്ടാം ഭാഗത്തെ വരവേൽക്കാൻ ആരാധകർ ഒരുങ്ങിക്കഴിഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ