ഇന്തോനേഷ്യയില്‍ അവധിക്കാല ആഘോഷത്തിലാണ് തെന്നിന്ത്യന്‍ താരസുന്ദരി അമല പോള്‍. പിറന്നാള്‍ ആഘോഷങ്ങള്‍ക്കായി ഇന്തോനേഷ്യയില്‍ എത്തിയ താരം ഇപ്പോള്‍ കൂടുതല്‍ ചിത്രങ്ങള്‍ പുറത്തുവിട്ടിരിക്കുകയാണ്. ബാത്ത്ടബ്ബില്‍ ടോപ് ലസ്സായി ഇരിക്കുന്നതാണ് ചിത്രങ്ങള്‍. ഇന്‍സ്റ്റഗ്രാമിലൂടെയാണ് താരം മനോഹരമായ ചിത്രങ്ങള്‍ പോസ്റ്റ് ചെയ്തിരിക്കുന്നത്.
പൂക്കള്‍ നിറഞ്ഞ ബാത്ത്ടബ്ബില്‍ ഹീലിങ് ബാത്ത് എടുക്കുകയാണ് താരം. ഒഴുകുന്ന അരുവിയുടെ കരയിലുള്ള തുറന്ന ബാത്ത്ടബ്ബിലിരുന്ന് കാഴ്ചകള്‍ കാണുന്ന അമലയെയാണ് ചിത്രത്തില്‍ കാണുന്നത്. എന്തായാലും താരത്തിന്റെ ഹോട്ട് ചിത്രങ്ങള്‍ തമിഴകത്ത് വലിയ ചര്‍ച്ചയായിരിക്കുകയാണ്. നിരവധി ആളുകളാണ് ചിത്രത്തെ പ്രകീര്‍ത്തിച്ചും വിമര്‍ശിച്ചും രംഗത്തെത്തിയത്. ആടൈ സിനിമയില്‍ തുണികുറച്ച് അഭിനയിച്ച് അവസാനം വസ്ത്രം തന്നെ ഉപേക്ഷിച്ചോ എന്നായിരുന്നു കൂടുതല്‍ കമന്റുകളും.
ഇന്തോനേഷ്യന്‍ യാത്രയുടെ നിരവധി ചിത്രങ്ങളാണ് താരം പുറത്തുവിട്ടിരിക്കുന്നത്. നേരത്തെ കടല്‍തീരത്ത് ഊഞ്ഞാലാടി നില്‍ക്കുന്ന ചിത്രം വൈറലായിരുന്നു. പിറന്നാള്‍ വസ്ത്രത്തിലുള്ള അതിമനോഹരങ്ങളായ ചിത്രവും താരം പങ്കുവെച്ചിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ