ഓണ‌ക്കാല റിലീസ് ചിത്രമായി തിയേറ്ററുകളിലെത്തിയ ഫൈനൽസ് മലയാളത്തിലെ തന്നെ ഏറ്റവും മികച്ച സ്‌പോര്‍ട്‌സ് ചിത്രങ്ങളിലൊന്നാണെന്ന് സംവിധായകന്‍ രഞ്ജിത്ത് ശങ്കര്‍. രജിഷ വിജയൻ സൈക്ലിസ്റ്റായി വേഷമിടുന്ന ചിത്രത്തിൽ നായികയുടെ അച്ഛന്റെ കഥാപാത്രം അവതരിപ്പിച്ചിരിക്കുന്നത് നടൻ സുരാജാണ്. സുരാജിന്റെ കരിയറിലെ ഏറ്റവും മികച്ച കഥാപാത്രമാണ് ഫൈനൽസിലെ വര്‍ഗീസ് എന്നാണ് രഞ്ജിത്തിന്റെ വിലയിരുത്തൽ.
രഞ്ജിത് ഫേസ്ബുക്കിൽ പങ്കുവച്ച കുറിപ്പ്
ഫൈനല്‍സ് സിനിമയില്‍ തിരിച്ചറിവിന്റെ രണ്ട് രംഗങ്ങളുണ്ട്. ഒന്ന്- ആത്മഹത്യ ചെയ്യാന്‍ തയ്യാറായി നില്‍ക്കുമ്പോൾ സുരാജിനുണ്ടാരുന്ന വലിയൊരു തിരിച്ചറിവ്. പിന്നെ, ഒരാളെ കൊല്ലാൻ തയ്യാറെടുക്കുമ്പോള്‍ മറ്റൊരു പ്രധാന കാര്യം കണ്ടെത്തുന്നു.
ഒരു മഹത്തായ സിനിമയിലെ നിര്‍വചനീയമായ രണ്ടു നിമിഷങ്ങള്‍... സുരാജിന്റെ കരിയറിലെ തന്നെ മികച്ച കഥാപാത്രമാണ് വര്‍ഗീസ്... എന്തൊരു രൂപമാറ്റമാണ്.. എന്തൊരു നടനാണ്..!!!
അരുണിനും രജിഷയ്ക്കും നിരഞ്ജനും ഈ സിനിമയുടെ പിന്നില്‍ പ്രവൃത്തിച്ച ഏവര്‍ക്കും അഭിനന്ദനങ്ങള്‍.. ഈ സിനിമ മിസ് ചെയ്താല്‍ അത് നിങ്ങളുടെ നഷ്ടം..മലയാളത്തിലെ മികച്ചതെന്നു പറയാവുന്ന ഒരു സ്‌പോര്‍ട്‌സ് സിനിമയാണ് ഫൈനല്‍സ്..
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ