സോഷ്യല്‍ മീഡിയയില്‍ മുഴുവന്‍ ഓണത്തിന്റെ ലഹരിയിലാണ്. ഓണാഘോഷത്തിന്റെ ചിത്രങ്ങളും വിഡിയോകളും പങ്കുവെക്കുകയാണ് എല്ലാവരും. സെലിബ്രിറ്റികളും ഇതില്‍ കുറവൊന്നും വരുത്തുന്നില്ല. ഇപ്പോള്‍ ഗായികയും അവതാരകയുമായ റിമി ടോമിയുടേയും നടി മുക്തയുടേയും വിഡിയോ ആണ് സോഷ്യല്‍ മീഡിയയില്‍ ഹിറ്റാകുന്നത്. ഇരുവരും ഒന്നിച്ച് ഓണത്തിന് ഡാന്‍സ് കളിക്കുന്നതാണ് വിഡിയോയില്‍ ഉള്ളത്.
കുടുംബത്തിനൊപ്പമായിരുന്നു റിമിയുടെ ഓണാഘോഷം. റിമിയുടെ സഹോദരന്റെ ഭാര്യകൂടിയായ മുക്തയ്‌ക്കൊപ്പം വീട്ടിലെ ആഘോഷത്തിനിടെയാണ് താരം നൃത്തം ചെയ്തത്. '4 വര്‍ഷത്തിനു ശേഷം ഒന്നു കളിച്ചു നോക്കിയതാ....... ഒരുപാട് സന്തോഷം നിറഞ്ഞ ഓണം' എന്ന അടിക്കുറിപ്പോടെയാണ് വിഡിയോ പങ്കുവെച്ചിരിക്കുന്നത്. സെറ്റ് സാരിയുടുത്ത് നാടന്‍ ലുക്കിലാണ് മുക്ത. പട്ടുപാവാടയാണ് റിമിയുടെ വേഷം. ഇരുവരും മനോഹരമായാണ് ഡാന്‍സ് കളിക്കുന്നത്. പോസ്റ്റിന് താഴെ ഇരുവരുടേയും ഡാന്‍സിനെ പുകഴ്ത്തിക്കൊണ്ടുള്ള കമന്റുകള്‍ നിറയുകയാണ്. റിമി ടൊമിയും കുടുംബത്തോടൊപ്പമുള്ള ഓണ ആഘോഷത്തിന്റെ ചിത്രങ്ങള്‍ പങ്കുവെച്ചിട്ടുണ്ട്.
2015 ലാണ് മുക്തയും റിമിയുടെ സഹോദരന്‍ റിങ്കു ടോമിയും വിവാഹിതരാകുന്നത്. ഇവര്‍ക്ക് കിയാര എന്ന മകളുമുണ്ട്. വിവാഹ ശേഷം വിവാഹത്തില്‍ നിന്ന് വിട്ടു നില്‍ക്കുകയാണ് താരം. അടുത്തിടെയാണ് റിമി ടോമി വിവാഹ ബന്ധം വേര്‍പിരിഞ്ഞത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ