നടന്‍ പൃഥ്വിരാജിന്റെ ഒരു പഴയകാല ചിത്രമാണ് ഇപ്പോള്‍ സമൂഹമാധ്യമങ്ങളില്‍ വൈറലാകുന്നത്. പ്ലസ്ടുവിന് പഠിക്കുമ്പോഴത്തെ ആ ബുദ്ധിജീവിയായിരുന്ന കണ്ണടക്കാരന്റെ ഫോട്ടോ ആരാധകര്‍ ഏറ്റെടുത്ത മട്ടാണ്.
പൃഥ്വിയുടെ സ്‌കൂള്‍ മാഗസിനില്‍ പ്രത്യക്ഷപ്പെട്ട ചിത്രമാണ് ഇപ്പോള്‍ ശ്രദ്ധിക്കപ്പെടുന്നത്. പഠിക്കുന്ന കാലത്ത് സ്‌കൂളിന്റെ അഭിമാന താരങ്ങളില്‍ ഒരാളായിരുന്നു പൃഥ്വി. സ്‌കൂളിനു വേണ്ടി മികച്ച പ്രകടനങ്ങള്‍ കാഴ്ച വെച്ചവരുടെ ഒരു ലിസ്റ്റിലാണ് 12ാം ക്ലാസുകാരനായ പൃഥ്വിരാജ് എസിന്റെ ചിത്രമുള്ളത്.
സൈനിക് സ്‌കൂളിലായിരുന്നു പൃഥ്വിരാജിന്റെ സ്‌കൂള്‍ വിദ്യാഭ്യാസം. പൃഥ്വിയുടെ ചേട്ടന്‍ ഇന്ദ്രജിത്തും ഇതേ സ്‌കൂളില്‍ തന്നെയാണ് പഠിച്ചത്. ഈ പൊടിമീശക്കാരന്‍ പയ്യന്റെ ചിത്രം ഇതിനോടകം സോഷ്യല്‍ മീഡിയയും ആരാധകരും ആഘോഷമാക്കിക്കഴിഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ