ബോളിവുഡിലെ ഇഷ്ട താരമായി മാറിക്കഴിഞ്ഞു ബോണി കപൂർ ശ്രീദേവി ദമ്പതികളുടെ മകൾ ജാൻവി കപൂർ. ഇപ്പോഴിതാ അനിയത്തി ഖുശിക്കൊപ്പം രസകരമായ ഒരു ചലഞ്ച് ഏറ്റെടുത്ത് എത്തിയിരിക്കുകയാണ് ജാൻവി. ടിക്‌ടോക്കിൽ ട്രെൻഡിംഗ് ആയ #whoisthemostlikely എന്ന ചലഞ്ചിന് ഉത്തരമേകുകയായിരുന്നു ജാൻവിയും ഖുശിയും.
ആരാണ് ആദ്യം വിവാഹിതയാകുക, ആർക്ക് ആദ്യം കുട്ടികളുണ്ടാകും എന്നൊക്കെയാണ് വിഡിയോയിലെ ചോദ്യങ്ങൾ. ഈ രണ്ട് ചോദ്യത്തിനും ഖുശി എന്നാണ് ഇരുവരും ഒന്നിച്ച് ഉത്തരം പറഞ്ഞത്. കൂട്ടത്തിൽ ആർക്കാണ് മികച്ച ഫാഷൻ സെൻസ് എന്ന ചോദ്യത്തിനും ഖുശിയുടെ പേര് പറഞ്ഞപ്പോൾ ഏറ്റവും കൂടുതൽ പണം ചെലവഴിക്കുന്ന ആള് ജാൻവി എന്നായിരുന്നു ഉത്തരം.
ഉപരിപഠനവുമായി ബന്ധപ്പെട്ട് ന്യൂയോർക്കിലാണ് ഖുശി ഇപ്പോൾ. കൊറോണവ്യാപനത്തിന്റെ പശ്ചാത്തലത്തിൽ അച്ഛന്റയും സഹോദരി ജാൻവിയുടെയും അടുത്തേക്ക് തിരിച്ചെത്തിയിരിക്കുകയാണ് ഖുശി. ചേച്ചിയ്ക്കു പിന്നാലെ അനിയത്തിയെയും ബിഗ് സ്ക്രീനിൽ കാണാമെന്ന പ്രതീക്ഷയിലാണ് ആരാധകർ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ