മലയാളത്തിന്റെ ഹാസ്യചക്രവര്‍ത്തി ജഗതി ശ്രീകുമാറിന് ഇന്ന് 69ാം പിറന്നാളാണ്. സിനിമാപ്രവർത്തകരും ആരാധകരുമടക്കം നിരവധി പേരാണ് ഹാസ്യ സാമ്രാട്ടിന് പിറന്നാൾ ആശംസകൾ നേർന്നത്. ഇക്കൂട്ടത്തിൽ മകൾ ശ്രീലക്ഷ്മിയും അച്ഛന് പിറന്നാളാശംസകൾ അറിയിച്ചിരിക്കുകയാണ്.
പൂച്ചയ്ക്കൊരു മുക്കുത്തി എന്ന ചിത്രത്തിലെ ജഗതിയുടെ ഹിറ്റ് രംഗത്തിന്റെ ചിത്രം സഹിതമാണ് ശ്രീലക്ഷ്മിയുടെ പോസ്റ്റ്. 'ഈ രംഗവും പപ്പ‌യുടെ ഭാവവും' എന്നാണ് ചിത്രത്തെക്കുറിച്ച് എഴുതിയിരിക്കുന്നത്. "പപ്പ എനിക്ക് എത്ര പ്രിയപ്പെട്ടതാണെന്ന് പപ്പയ്ക്ക് അറിയാമെന്ന് പ്രതീക്ഷിക്കുന്നു. പപ്പയ്ക്ക് പിറന്നാള്‍ ആശംസകള്‍", ശ്രീലക്ഷ്മി കുറിച്ചു.
വാഹനാപകടത്തില്‍ ഗുരുതരമായി പരിക്കേറ്റതിനെ തുടര്‍ന്ന് വര്‍ഷങ്ങളായി ജഗതിശ്രീകുമാര്‍ സിനിമയില്‍ നിന്ന് മാറി നില്‍ക്കുകയാണ്. 2012ലായിരുന്നു അപകടം. തുടര്‍ന്ന് വര്‍ഷങ്ങള്‍ നീണ്ട ചികിത്സയിലൂടെയാണ് ജീവിതത്തിലേക്ക് മടങ്ങിയത്. അടുത്തിടെ മക്കള്‍ക്കൊപ്പം ഒരു പരസ്യ ചിത്രത്തില്‍ അദ്ദേഹം എത്തിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ