തെന്നിന്ത്യന്‍ സിനിമയില്‍ ഏറെ ആരാധകരുള്ള രണ്ട് താരങ്ങളാണ് വിജയും അജിത്തും. ഇവരുടെ സിനിമകൾ ഒന്നിച്ച് റിലീസിനെത്തുമ്പോൾ താരങ്ങളേക്കാൾ ആവേശം ആരാധകർക്കാണ്. പാലഭിഷേകമടക്കം ​ഗംഭിര വരവേൽപ്പാണ് പ്രിയതാരങ്ങളുടെ ചിത്രത്തിനായി ആരാധകർ ക്രമീകരിക്കുന്നത്. എന്നാൽ ആരാധകർക്കിടയിലെ ഈ വൈര്യം തങ്ങൾക്കിടയിൽ ഇല്ലെന്ന് ഇരുതാരങ്ങളും പലപ്പോഴും തെളിയിച്ചിട്ടുണ്ട്. ഇപ്പോഴാകട്ടെ 20 വർഷം മുൻപുള്ള വിജയുടെ വിവാഹചിത്രങ്ങളാണ് പുറത്തുവന്നിരിക്കുന്നത്. 

വിവാഹത്തിൽ ശാലിനിയും അജിത്തും പങ്കെടുത്തതും നവദമ്പതികൾക്കൊപ്പം ചിത്രങ്ങളെടുക്കുകയും ചെയ്തിരുന്നു. ഈ ചിത്രങ്ങളാണ് ഇപ്പോൾ സോഷ്യൽ മീഡിയയിലൂടെ പ്രചരിക്കുന്നത്.

വിജയ് വിവാഹശേഷം അഭിനയത്തിലേക്ക് തിരി‌ച്ചെത്തിയപ്പോൾ കണ്ണുക്കുള്‍ നിലവ് എന്ന സിനിമയുടെ അണിയറ പ്രവര്‍ത്തകര്‍ നവദമ്പതികള്‍ക്കായി സ്വീകരണമൊരുക്കിയിരുന്നു. ഇതിനിടെ പകർത്തിയ ചിത്രങ്ങളും വൈറലാകുന്നുണ്ട്. സംവിധായകന്‍ ഫാസിലിന്റെ നേതൃത്വത്തിലായിരുന്നു സ്വീകരണം.