മുടിയൊക്കെ വെട്ടി കിടിലന്‍ മേക്കോവര്‍ തന്നെ നടത്തിയിരിക്കുകയാണ് ബോളിവുഡ് നടി നീന ഗുപ്ത. തന്റെ ട്വിറ്റര്‍ പേജിലൂടെ നീന തന്നെയാണ് പുതിയ ലുക്കിലുള്ള ചിത്രം പുറത്തുവിട്ടിരിക്കുന്നത്. മുടിയുടെ നീട്ടം തോളൊപ്പമാക്കി കുറച്ച് ഗോള്‍ഡന്‍ ഹൈലൈറ്റും നല്‍കിയാണ് നീനയുടെ മേക്കോവര്‍.
ചിത്രം പുറത്തുവിട്ടതിനൊപ്പം നീന കുറിച്ച രസകരമായ ക്യാപ്ഷനാണ് ഇപ്പോള്‍ ആരാധകര്‍ ഏറ്റെടുത്തിരിക്കുന്നത്. 'ഗുഗിള്‍ ഇനിയെങ്കിലും എന്റെ പ്രായമൊന്ന് കുറച്ചുകാണിക്കൂ' എന്നാണ് താരം കുറിച്ചിരിക്കുന്നത്.
ശുഭ മംഗള്‍ സ്യാദാ സാവ്ധാന്‍ എന്ന തന്റെ പുതിയ ചിത്രത്തിന്റെ റിലീസ് തിരക്കുകളിലാണ് 60കാരിയായ നീന. ഡ്രീം ഗേള്‍, ബാല എന്നീ ഹിറ്റ് ചിത്രങ്ങള്‍ക്ക് ശേഷം ആയുഷ്മാന്‍ ഖുരാന നായകനാകുന്ന ചിത്രമാണ് ഇത്. ഹിതേഷ് കെവലയ്യ സംവിധാനം ചെയ്യുന്ന ചിത്രം ആനന്ദ് എല്‍. റായ്, ഭൂഷണ്‍ കുമാര്‍ എന്നിവരാണ് നിര്‍മാണം. സ്വവര്‍ഗ പ്രണയ കഥയാണ് ചിത്രത്തിന്റെ പ്രമേയം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ