ഭാര്യ മഞ്ജുവിന്റെ പിറന്നാൾ ദിനത്തിൽ മനോഹരമായ കുറിപ്പുമായി നടൻ നരേൻ. ഇൻസ്റ്റഗ്രാമിലൂടെയാണ് താരം തന്റെ നല്ലപാതിക്ക് പിറന്നാൾ ആശംസകൾ നേർന്നത്. ജീവിതത്തിലെ ഉയര്‍ച്ച താഴ്ചകളില്‍ തനിക്കൊപ്പം നില്‍ക്കുന്നതിന് മഞ്ജുവിനോട് നന്ദി പറയാനും താരം മറന്നില്ല. ഭാര്യയ്ക്കൊപ്പമുള്ള മനോഹരമായ ചിത്രങ്ങൾക്കൊപ്പമായിരുന്നു കുറിപ്പ്.
'എന്റെ പ്രണയത്തിന് പിറന്നാൾ ആശംസകൾ. ഉയർച്ച താഴ്ചകളിൽ എന്റെ കൂടെ നിന്നതിന് നന്ദി. മനോഹരമായതും അത്ര മനോഹരമല്ലാത്തതുമായ അനുഭവത്തിലൂടെ വരെ കടന്നുപോവേണ്ടി വന്നിട്ടുണ്ട്. മികച്ച സമയം ഇനി വരാനിരിക്കുന്നതേയുള്ളൂ എന്ന പ്രതീക്ഷയോടെ പരസ്പരം സ്‌നേഹിച്ച് നമുക്ക് മുന്നേറാം. ഹാപ്പി ബര്‍ത്ത് ഡേ മൈ ലവ്.’- നരേൻ കുറിച്ചു.
താരങ്ങൾ ഉൾപ്പടെ നിരവധി പേരാണ് മഞ്ജു പിറന്നാൾ ആശംസയുമായി എത്തിയത്. ജയസൂര്യ, ഇന്ദ്രജിത്ത്, സംവൃത, സരിത ജയസൂര്യ, മുന്ന തുടങ്ങിയവരെല്ലാം മഞ്ജുവിന് പിറന്നാളാശംസ അറിയിച്ചിരുന്നു. ഇവരോടെല്ലാം മഞ്ജു തന്നെയായിരുന്നു നന്ദി പറഞ്ഞത്.
ടെലിവിഷന്‍ അവതാരകയായിരുന്നു മഞ്ജു. 2005ല്‍ ചാനലില്‍ ഓണ്‍ലൈന്‍ പ്രൊഡ്യൂസറായി ജോലി ചെയ്തുവരുന്നതിനിടയിലായിരുന്നു നരേനുമായി കണ്ടുമുട്ടിയത്. പിന്നീട് അടുത്ത സുഹൃത്തുക്കളായി മാറുകയും അതു പ്രണയത്തില്‍ എത്തിച്ചേരുകയുമായിരുന്നു. 2007ലായിരുന്നു നരേനും മഞ്ജുവും വിവാഹിതരാകുന്നത്. ഇരുവർക്കും തന്മയ എന്ന മകൾകൂടിയുണ്ട്. കഴിഞ്ഞ ദിവസമാണ് തന്മയയുടെ പിറന്നാൾ ആഘോഷിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ