ലോക്ക്ഡൗണില്‍ 45-ാം പിറന്നാള്‍ പ്രിയപ്പെട്ടവര്‍ക്കൊപ്പം ആഘോഷിച്ചിരിക്കുകയാണ് നടി ശില്‍പ ഷെട്ടി. ആരാധകരും സഹപ്രവര്‍ത്തരും ആശംസകള്‍ അറിയിച്ചപ്പോള്‍ പ്രിയപ്പെട്ടവര്‍ ഓണ്‍ലൈനില്‍ എത്തി താരത്തിന്റെ പിറന്നാള്‍ ആഘോഷങ്ങള്‍ക്ക് ഒപ്പംചേരുകയായിരുന്നു. നടിയുടെ ഭര്‍ത്താവും പ്രമുഖ വ്യവസായിയുമായ രാജ് കുന്ദ്ര ഒരുക്കിയ ബര്‍ത്ത്‌ഡേ സ്‌പെഷ്യല്‍ കേക്ക് ആയിരുന്നു ആഘോഷങ്ങളുടെ ഹൈലൈറ്റ്.
വാനില മെറിന്‍ഗ്വേ കേക്ക് ആണ് താരത്തിനായി രാജ് കുന്ദ്ര ബേക്ക് ചെയ്തത്. ഒരുപാട് സന്തോഷവും നന്ദിയും അനുഭവപ്പെടുന്നു എന്ന് കുറിച്ചുകൊണ്ടാണ് പിറന്നാള്‍ വിശേഷങ്ങളും ആഘോഷചിത്രങ്ങളും ശില്‍പ പങ്കുവച്ചിരിക്കുന്നത്.
ആഘോഷിക്കാന്‍ മനസ്സുവരുന്ന ദിവസങ്ങളില്‍ അതിനായി കാരണങ്ങള്‍ തിരഞ്ഞെടുക്കുന്ന ആളാണ് താന്‍ എന്ന് ശില്‍പ മുന്‍പും പറഞ്ഞിട്ടുണ്ട്. മകള്‍ സമീഷ പിറന്നിട്ട് 40 ദിവസം തികഞ്ഞപ്പോഴും കേക്ക് മുറിച്ച് താരം സന്തോഷം പ്രകടിപ്പിച്ചിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ