‘ആടുജീവിതം’ സിനിമയുടെ ചിത്രീകരണത്തിനായി ജോർദാനിൽ പോയപ്പോൾ അണിയറപ്രവർത്തകർക്കൊപ്പം ക്രിക്കറ്റ് കളിച്ചതിന്റെ ഓർമ്മ പങ്കുവച്ചിരിക്കുകയാണ് നടൻ പൃഥ്വിരാജ്. പുൾ ഷോട്ടെന്ന് വിചാരിച്ച് രോഹിത് ശർമ്മയാണെന്ന ഭാവത്തിൽ അടിക്കും, പക്ഷേ, ഷോട്ട് മിഡ് വിക്കറ്റിൽ തന്നെ പുറത്താകും എന്ന അടിക്കുറിപ്പോടെയാണ് പൃഥ്വി ചിത്രം പങ്കുവച്ചിരിക്കുന്നത്.

രോഹിത് ശർമയാണെന്ന് സ്വയം കരുതി പുൾ ഷോട്ട് കളിക്കുകയായിരുന്നു. എന്നാൽ മിഡ് വിക്കറ്റിൽ ക്യാച്ച് ചെയ്തെന്നും ഔട്ടായെന്നും പൃഥ്വി പറയുന്നു. ഇതിനോടകം ചിത്രം വൈറലായിക്കഴിഞ്ഞു. ബാറ്റിങ് ഫോട്ടോ വൈറലായതിന് പിന്നാലെ നടൻ ബൗൾ ചെയ്യുന്ന ഒരു ചിത്രവും സോഷ്യൽ മീഡിയയിൽ പ്രചരിക്കുന്നുണ്ട്.

ജോർദാനിൽ നിന്ന് കേരളത്തിൽ തിരിച്ചെത്തിയ പൃഥ്വിരാജും സംഘവും ക്വാറന്റീനിലായിരുന്നു. ഇൻസ്റ്റിറ്റ‌്യൂഷണൽ ക്വാറന്റീനും ഹോം ക്വാറന്റീനും പൂർത്തിയാക്കിയ താരം വീട്ടിൽ തിരിച്ചെത്തിയ സന്തോഷവും ആരാധകരുമായി പങ്കുവച്ചിരുന്നു. “ജിം ബോഡി വിത്ത് നോ താടി” എന്ന് കുറിച്ച് പുതിയ ലുക്കിലുള്ള ചിത്രവും പുറത്തുവിട്ടിട്ടുണ്ട്.