അച്ഛന് ഫാദേഴ്സ് ഡേ ആശംസകൾ നേർന്നുകൊണ്ടുള്ള നടി റിമ കല്ലിങ്കലിന്റെ പോസ്റ്റാണ് ഇപ്പോൾ സോഷ്യൽ മീഡിയയിൽ ഹിറ്റാകുന്നത്. പടക്കത്തിന് തീരികൊളുത്തുന്ന അച്ഛന്റെ വിഡിയോ ആണ് താരം പങ്കുവെച്ചിരിക്കുന്നത്. രസകരമായ അടിക്കുറിപ്പിനൊപ്പമുള്ള വിഡിയോ ആരാധകരുടെ മനസു കീഴടക്കുകയാണ്. 

പടയപ്പ, ഈ ചക്കര അച്ഛന് എന്റെ ഫാദേഴ്സ് ഡേ ആശംസകൾ. എന്റെ ചിറകിന് അടയിലെ കാറ്റ്- താരം കുറിച്ചു. അച്ഛൻ മാസാണെന്ന് പറഞ്ഞുകൊണ്ട് ​ഗായിക അഭയ ഹിരൺമയിയുടേയും സംവിധായക‌ൻ അരുണിന്റേയും കമന്റ് എത്തി.

കൂടാതെ താരത്തെ പരിഹസിച്ചുകൊണ്ടുള്ള കമന്റുകളും വരുന്നുണ്ട്. മീൻ വറുത്തത് തരാതെ ഫെമിനിസ്റ്റ് ആക്കിയത് ഈ അച്ഛനല്ലേ എന്നായിരുന്നു ചിലരുടെ കമന്റ്. അത് ഇങ്ങേര് തന്നെയാണ്, അല്ലാതെ എന്നെ ചോദ്യം ചെയ്താൽ കൊല്ലും ഞാൻ എന്നു പറയുന്ന കൂതറ ആണുങ്ങളിൽ അച്ഛൻ പെടില്ല എന്നുമായിരുന്നു താരത്തിന്റെ മറുപടി.