കൊച്ചി: ഒറ്റക്കണ്ണിറുക്കലിലൂടെ മലയാളികളുടെ മനം കവർന്ന പ്രിയാ വാര്യർ അനൂപ് മേനോന്റെ നായികയാവുന്നു. സംവിധായകൻ വികെ പ്രകാശിന്റെ പുതിയ ചിത്രത്തിലാണ് ഇരുവരും ഒന്നിക്കുന്നത്. ‘ഒരു നാൽപതുകാരന്റെ ഇരുപത്തൊന്നുകാരി’ എന്നാണ് സിനിമയുടെ പേര്.
ട്രിവാൻഡ്രം ലോഡ്ജിനു ശേഷം വികെ. പ്രകാശും അനൂപ് മേനോനും ഒന്നിക്കുന്ന ചിത്രമാണിത്. ഇത്തവണയും പുതുമ നിറഞ്ഞ പ്രമേയവുമായാണ് ഈ കൂട്ടുകെട്ടിന്റെ വരവ്. ചിത്രത്തിൽ പ്രിയ വാരിയർ ‘ഇരുപത്തൊന്നുകാരി’യായി അഭിനയിക്കുന്നു.
അനൂപ് മേനോന് തന്നെയാണ് തിരക്കഥ എഴുതുന്നത്. അനൂപ് മേനോൻ, വി.കെ. പ്രകാശ്, ഡിക്സൺ പൊഡുത്താസ് എന്നിവര് േചർന്നാണ് നിർമാണം. പ്രൊഡക്ഷൻ കൺട്രോളറായി നിരവധി സിനിമകളിൽ പ്രവർത്തിച്ച ഡിക്സൺ ആദ്യമായി നിർമിക്കുന്ന ചിത്രം കൂടിയാണിത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ