ബോളിവുഡ് നടൻ ആമിർ ഖാന്റെ ജോലിക്കാരിൽ ചിലർക്ക് കോവിഡ് 19 സ്ഥിരീകരിച്ചു. നടന്റെ പരിശോധനാഫലം നെഗറ്റീവ് ആണ്. രോഗം സ്ഥിരീകരിച്ചവരെ ഉടൻതന്നെ ക്വാറന്റീൻ ചെയ്തെന്ന് നടൻ അറിയിച്ചു. ആമിർ തന്നെയാണ് ഇക്കാര്യം സോഷ്യൽ മീഡിയ കുറിപ്പിലൂടെ വ്യക്തമാക്കിയത്.
"എന്റെ സ്റ്റാഫിൽ ചിലരുടെ കോവിഡ് പരിശോധനാഫലം പോസിറ്റീവ് ആയത് അറിയിക്കുന്നു. അവരെ പെട്ടെന്ന് തന്നെ ക്വാറന്റീൻ ചെയ്യുകയും വേണ്ട ചികിത്സ ലഭ്യമാക്കുകയും ചെയ്തു. ഇതെല്ലാം വേഗത്തിൽ നടപ്പാക്കിയതിനും സഥലത്ത് അണുനശീകരണം നടത്താൻ കാണിച്ച ജാഗ്രതയ്ക്കും ബിഎംസി അധികാരികളോട് നന്ദി അറിയിക്കുന്നു. ഞങ്ങൾ ബാക്കിയുള്ളവരുടെ പരിശോധനാഫലം നെഗറ്റീവ് ആണ്. ഇപ്പോൾ ഞാൻ എന്റെ അമ്മയെ പരിശോധനയ്ക്കായി കൊണ്ടു പോവുകയാണ്. അമ്മയാണ് പരിശോധന നടത്താനുള്ള അവസാനത്തെ വ്യക്തി. അമ്മയ്ക്കും ഫലം നെഗറ്റീവ് ആകാൻ പ്രാർഥിക്കണം.."ആമിർ കുറിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ