നീണ്ട നാളുകളുടെ കാത്തിരിപ്പിനൊടുവിലാണ് കുഞ്ചാക്കോ ബോബന്റേയും പ്രിയയുടേയും ജീവിതത്തിലേക്ക് ഇസ എത്തുന്നത്. അതിനാല്‍ സിനിമ താരങ്ങള്‍ക്കും ആരാധകര്‍ക്കും ഒരുപോലെ പ്രിയപ്പെട്ടവനാണ് കുഞ്ഞിസ. ഇപ്പോള്‍ സോഷ്യല്‍ മീഡിയയില്‍ വൈറലാവുന്നത് ഇസയെ കാണാനെത്തിയ രണ്ട് സെലിബ്രിറ്റികളുടെ ചിത്രമാണ്. നടി നസ്രിയ നസീമും നടന്‍ ദുല്‍ഖര്‍ സല്‍മാന്റെ ഭാര്യ അമാനുമാണ് ഇസയേയും അമ്മ പ്രിയയേയും കാണാന്‍ എത്തിയത്.
നസ്രിയക്കും അമാനുമൊപ്പം നില്‍ക്കുന്ന കുഞ്ഞിസയുടേയും അമ്മയുടേയും ചിത്രമാണ് വാറലാവുന്നത്. മനോഹരമായ ചിരിച്ചിത്രം പ്രിയ തന്നെയാണ് സോഷ്യല്‍ മീഡിയയിലൂടെ പങ്കുവെച്ചത്. ആരാധകര്‍ ആഘോഷമാക്കുകയാണ് ചിത്രം. മൂന്ന് രാജകുമാരിമാര്‍ക്കൊപ്പം ഒരു രാജകുമാരന്‍ എന്നാണ് ആരാധകര്‍ കുറിക്കുന്നത്.
കഴിഞ്ഞ വര്‍ഷം ഏപ്രില്‍ 16നാണ് ഇസഹാക്ക് ജനിച്ചത്. അസയുടെ വരവ് മലയാള സിനിമ ലോകം ആഘോഷമാക്കിയിരുന്നു. തുടര്‍ന്ന് മകനോടൊപ്പമുള്ള നിരവധി ചിത്രങ്ങള്‍ കുഞ്ചാക്കോ ബോബന്‍ പോസ്റ്റ് ചെയ്തിരുന്നു. എല്ലാ ചിത്രങ്ങളും സോഷ്യല്‍ മീഡിയയില്‍ വൈറലായി. ഇസയുടെ പിറന്നാളിനായി കാത്തിരിക്കുകയാണ് ഇപ്പോള്‍ ആരാധകര്‍.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ