ചെന്നൈ: ജനതാ കര്ഫ്യൂവിന് ആഹ്വാനം ചെയ്ത പ്രധാനമന്ത്രി നരേന്ദ്ര മോദിക്ക് പിന്തുണയര്പ്പിച്ചുള്ള നടന് രജനികാന്തിന്റെ വീഡിയോ ട്വിറ്റര് നീക്കം ചെയ്തു. കൊറോണ വൈറസിനെ കുറിച്ച് വസ്തുതാപരമായ തെറ്റുകള് കണ്ടെത്തിയതിനെ തുടര്ന്നാണ് രജനി പോസ്റ്റ് ചെയ്ത വീഡിയോ നീക്കം ചെയ്തത്.
വൈറസ് പടരുന്നത് തടയാന് 14 മണിക്കൂര് സാമൂഹിക അകലം പാലിക്കേണ്ടതുണ്ടെന്ന് വീഡിയോയില് രജനികാന്ത് പറഞ്ഞിരുന്നു. വസ്തുതാപരമായി ഈ വിവരം തെറ്റാണ്, തെറ്റായ വിവരം സംബന്ധിച്ച ട്വിറ്ററിന്റെ നിയമം ലംഘിച്ചെന്നും ചൂണ്ടിക്കാട്ടിയാണ് രജനിയുടെ വീഡിയോ നീക്കം ചെയ്തത്.
കമ്മ്യൂണിറ്റി വ്യാപനം തടയുന്നതിന് 12 മുതല് 14 മണിക്കൂര് വരെ വൈറസ്സിനെ പൂര്ണമായും തടയേണ്ടതുണ്ടെന്നും രജനി വീഡിയോയില് പറഞ്ഞിരുന്നു. എന്നാല് രോഗ ബാധിതനായ ഒരു വ്യക്തിയുടെ തുമ്മലിനെ തുടര്ന്നുണ്ടാകുന്ന അണുബാധ ഉപരിതലത്തില് ദിവസങ്ങളോളം നിലനില്ക്കുമെന്നാണ് ശാസ്ത്രജ്ഞര് പറയുന്നത്.
ഞായറാഴ്ച രാവിലെ ഏഴ് മുതല് രാത്രി ഒമ്പത് വരെ വീടുകളില് തന്നെ ഇരിക്കണമെന്നും രജനികാന്ത് ട്വീറ്റ് ചെയ്തിട്ടുണ്ട്. ഇതിന് ശേഷം ഇട്ട വീഡിയോ ആണ് നീക്കം ചെയ്തിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ