അടുത്തിടെയാണ് നടി കരീന കപൂർ ഇൻസ്റ്റ​ഗ്രാമിൽ അക്കൗണ്ട് തുടങ്ങിയത്. അന്നു മുതൽസോഷ്യൽ മീഡിയയിൽ ആക്റ്റീവാണ് താരം. തന്റെ ഭർത്താവ് സെയ്ഫ് അലി ഖാന്റെയും മകൻ തൈമൂറിന്റേയും വിശേഷങ്ങളെല്ലാം താരസുന്ദരി പങ്കുവെക്കാറുണ്ട്. ലോക്ക്ഡൗൺ ആയതോടെ മകനൊപ്പം കളിച്ച് സമയം ചെലവഴിക്കുകയാണ് ഇരുവരും. മകനൊപ്പം ​ഗാർഡൻ പെയിന്റ് ചെയ്യുന്നതിന്റെ വിശേഷങ്ങൾ കരീന പങ്കുവെച്ചിരുന്നു. ഇപ്പോൾ ശ്രദ്ധ നേടുന്നത് അച്ഛന്റേയും മകന്റേയും പുതിയ പരീക്ഷണമാണ്. 

മകന് പുതിയ ഹെയർസ്റ്റൈൽ പരീക്ഷിക്കുകയാണ് സെയ്ഫ്. കയ്യിൽ കത്രികയുമായി മകന് അടുത്തു നിൽക്കുകയാണ് താരം. അനുസരണ കുട്ടിയായി അച്ഛനു മുടിമുറിക്കാനായിനിന്നു തൈമൂർ നിന്നു കൊടുക്കുന്നുണ്ട്. ആരെങ്കിലും മുടിവെട്ടിയോ എന്ന അടിക്കുറിപ്പിലാണ് കരീന ചിത്രം പോസ്റ്റ് ചെയ്തത്. അതിന് പിന്നാലെ അച്ഛനെയും മകനേയും പുകഴ്ത്തിക്കൊണ്ട് നിരവധി കമന്റുകളാണ് വരുന്നത്. 

ലോക്ക്ഡൗൺ ആയതോടെ സലൂണും ബ്യൂട്ടി പാർലറുമെല്ലാം അ‌ടച്ചതോടെ നിരവധി പേരാണ് മുടിവെട്ട് പരിശീലിച്ചത്. പ്രിയപ്പെട്ടവരുടെ തലയാണ് ഇതിനായി പലരും തെരഞ്ഞെടുത്തത്. അനുഷ്കയും രാജ്കുമാർ റോയിയുമെല്ലാം കയ്യടിനേടിയിരുന്നു.