ഡാഡികൂളിൽ മമ്മൂട്ടിയെ വട്ടം കറക്കിയ വികൃതിപ്പയ്യനെ നിങ്ങൾ മറന്നിട്ടില്ലല്ലോ. ആ സമയത്ത് മലയാളത്തിൽ ഇറങ്ങിയ നിരവധി സിനിമകളിൽ മാസ്റ്റർ ധനഞ്ജയ് നിറഞ്ഞു നിന്നിരുന്നു. ഇപ്പോൾ സോഷ്യൽ മീ‍ഡിയയിൽ ഹിറ്റാകുന്നത് താരത്തിന്റെ പുതിയ ചിത്രങ്ങളാണ്. പഴയ കുട്ടിപ്പയ്യനല്ല ഇപ്പോൾ ധനഞ്ജയ്. താടിയും മീശയുമൊക്കെ വന്ന് സുന്ദരനായി. 

ധനഞ്ജയിന്റെ പുതിയ ചിത്രങ്ങൾ കണ്ട് അമ്പരന്നിരിക്കുകയാണ് ആരാധകർ. മലയാളത്തിന്റെ കുസൃതിക്കുടുക്ക ഇത്ര വലുതായോ എന്നാണ് അവർ ചോദിക്കുന്നത്. ബാം​ഗളൂരുവിലെ ക്രൈസ്റ്റ് യൂണിവേഴ്സിറ്റിയിൽ പഠിക്കുകയാണ് ഇപ്പോൾ ധനഞ്ജയ്. 

ശ്രീ ഗുരുവായുരപ്പന്‍ സീരിയലിലൂടെയാണ് ധനഞ്ജയ് അഭിനയത്തിലേക്ക് കടക്കുന്നത്. 2009 ല്‍ പുറത്തിറങ്ങിയ ഡാഡി കൂളിലൂടെ ശ്രദ്ധേയനായ താരം ട്രിവാന്‍ഡ്രം ലോഡ്ജ്, ഡേവിഡ് ആന്‍ഡ് ഗോലിയത്ത്, ലോ പോയിന്റ് തുടങ്ങിയ നിരവധി സിനിമകളില്‍ അഭിനയിച്ചു.