കൊളംബിയൻ നടിയും മോഡലുമായ ഡെന്ന ഗാർഷ്യ കോവിഡ് ബാധിച്ച് ചികിൽസയിൽ. മൂന്നുവട്ടം നടത്തിയ കോവിഡ് പരിശോധനയിലും പോസിറ്റീവ് ആണെന്ന് നടി അറിയിച്ചു. ഓരോ തവണയും രോഗമുക്തയാകുമെന്ന് പ്രതീക്ഷിച്ചെങ്കിലും പോസിറ്റീവ് ആയി തുടരുകയാണെന്ന് നടി വ്യക്തമാക്കി. സോഷ്യൽ മീഡിയയിലൂടെയാണ് നടി കോവിഡ് ബാധിതയാണെന്ന വിവരം പുറത്തുവിട്ടത്.
ജനുവരിയിൽ പനി വന്നതിനെത്തുടർന്ന് ഡെന്ന ഗാർഷ്യയെ ആശുപത്രിയിൽ പ്രവേശിച്ചപ്പോൾ ഡെങ്കി സ്ഥിരീകരിച്ചിരുന്നു. അതിൽ നിന്നും രോഗമുക്തയായതിന് പിന്നാലെയാണ് കോവിഡ് പിടിപെട്ടത്. നടിയ്ക്ക് നേരത്തെ സീക്ക വൈറസ് ബാധ പിടിപെട്ട് ചികിൽസയിലായിരുന്നു. സീക്ക ഭേദമായപ്പോൾ ചിക്കുൻ ഗുനിയ പിടിപ്പെട്ടു.
ജോലിയുടെ ഭാഗമായി നടി അടുത്തിടെ സ്പെയിനിൽ പോയിരുന്നു. അവിടെ നിന്നാണ് കോവിഡ് പകർന്നതെന്ന് കരുതുന്നു. കൊറോണ ലക്ഷണങ്ങൾ കണ്ടു തുടങ്ങിയ മാർച്ച് മുതൽ താൻ സമ്പർക്കവിലക്കിലായിരുന്നുവെന്ന് നടി വ്യക്തമാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ