അക്ഷയ് കുമാർ നായകനായി എത്തുന്ന ലക്ഷ്മിയിലെ ഡാൻസ് വിഡിയോ പുറത്ത്. അക്ഷയ് കുമാർ ട്രാൻസ്ജെൻഡറായി നൃത്തമാ‌‌ടുന്ന ലക്ഷ്മിയിലെ ബാംബോലെ എന്ന ഗാനത്തിൻ്റെ വീഡിയോ ആണ് വൈറലാവുന്നത്. ചുവന്ന സാരിയുടുത്ത് ശിവന്റെ പ്രതിമയ്ക്ക് മുന്നിൽ നിന്ന് നൃത്തം ചെയ്യുന്നതാണ് വിഡിയോയിൽ കാണുന്നത്. മൂന്നര കോടിയിൽ പരം ആളുകളാണ് ഇതിനോടകം വിഡിയോ കണ്ടത്. 

അക്ഷയ് കുമാറിനൊപ്പം നൂറു കണക്കിന് ട്രാൻസ്ജെൻഡർ നർത്തകരും ഈ ​ഗാനത്തിൽ പ്രത്യക്ഷപ്പെടുന്നു. ഉല്ലുമനാട്ടിയാണ് ​ഗാനത്തിന്റെ സം​ഗീതവും രചനയും നിർവഹിച്ചിരിക്കുന്നത്. തമിഴിൽ സൂപ്പർഹിറ്റായ കാഞ്ചനയുടെ റീമേക്കാണ് ഇത്. കാഞ്ചനയിൽ നായകനായി എത്തിയ രാഘവ ലോറൻസാണ് ചിത്രം സംവിധാനം ചെയ്യുന്നത്. കിയാരാ അദ്വാനിയാണ് ചിത്രത്തിൽ നായികയായി എത്തുന്നത്.  നവംബർ 9 ന്  ഡിസ്‌നിപ്ലസ് ഹോട്ട്‌സ്റ്റാറിലൂടെയാണ് ചിത്രം റിലീസ് ചെയ്യുന്നത്.