ബിജു മേനോനും പാർവതി തിരുവോത്തും കേന്ദ്രകഥാപാത്രങ്ങളാകുന്ന സിനിമയുടെ ഷൂട്ടിങ് ആരംഭിച്ചു. പ്രശസ്ത ഛായാഗ്രാഹകൻ സാനു ജോൺ വർഗീസ് ആണ് സംവിധാനം. ഒപിഎം ഡ്രീം മിൽസ് സിനിമാസിൻറെ ബാനറിൽ ആഷിഖ് അബുവും മൂൺഷോട്ട് എൻറർടെയ്ൻ‍മെൻറ്സിൻറെ ബാനറിൽ സന്തോഷ് ടി കുരുവിളയും ചേർന്നാണ് ഈ ചിത്രത്തിൻറെ നിർമ്മാണം. 

സിനിമയുടെ ചിത്രീകരണം ഇന്ന് കോട്ടയത്ത് ആരംഭിച്ചു. ഇൻഫാൻറ് ജീസസ് ബഥനി കോൺവെൻറ് ഹയർ സെക്കൻഡറി സ്കൂളിലാണ് ചിത്രീകരണം ആരംഭിച്ചിരിക്കുന്നത്. ഷറഫുദ്ദീൻ, സൈജു കുറുപ്പ്, ആര്യ സലിം തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. 2021 ജനുവരിയിൽ തീയേറ്റർ റിലീസ് ആയി ചിത്രം എത്തിക്കാനാണ് നിർമ്മാതാക്കളുടെ പദ്ധതി.

2003ൽ പുറത്തിറങ്ങിയ 'മേം മാധുരി ദീക്ഷിത് ബൻനാ ചാഹതീ ഹൂം' എന്ന ബോളിവുഡ് ചിത്രത്തിലൂടെ സ്വതന്ത്ര ഛായാഗ്രാഹകനായ സാനു മലയാളത്തിലും തമിഴിലും തെലുങ്കിലും ശ്രദ്ധേയ ചിത്രങ്ങൾക്ക് ഛായാഗ്രഹണം നിർവ്വഹിച്ചിട്ടുണ്ട്. വിശ്വരൂപം, തൂങ്കാവനം, ടേക്ക് ഓഫ്, ആൻഡ്രോയ്ഡ് കുഞ്ഞപ്പൻ വെർഷൻ 5.25, മാലിക് തുടങ്ങിയവയാണ് പ്രധാന സിനിമകൾ