നടി സംയുക്ത മേനോന്റെ പിറന്നാൾ ആഘോഷ വിശേഷങ്ങളാണ് സമൂഹമാധ്യമങ്ങളിൽ വൈറൽ. നടി തന്നെയാണ് ആഘോഷത്തിന്റെ ചിത്രങ്ങളും വിഡിയോയും പങ്കുവച്ചത്. സുഹൃത്തുക്കൾക്കൊപ്പമായിരുന്നു പിറന്നാൾ ആഘോഷം.

മുടി വെട്ടി പുത്തൻ ലുക്കിലാണ് നടിയെ ചിത്രങ്ങളിൽ കാണാൻ കഴിയുക. ഒന്നിലധികം കേക്കുകൾ മുറിക്കുന്ന ചിത്രങ്ങൾ താരത്തിന്റെ ഇൻസ്റ്റഗ്രാമിൽ കാണാം. 'ഞങ്ങളുടെ സ്വന്തം മഹാനടിക്ക്' എന്നാണ് കേക്കുകളിൽ ഒന്നിൽ കുറിച്ചിരിക്കുന്നത്.

ഏറ്റവും മികച്ച ഒരുപറ്റം ആളുകളാണ് തനിക്ക് ചുറ്റുമുള്ളതെന്നും അവർക്ക് സ്നേഹം മാത്രമാണ് തിരിച്ചുനൽകാനുള്ളതെന്നും ചിത്രങ്ങൾക്കൊപ്പം നടി കുറിച്ചു.