രണ്ട് മാസത്തെ ഇടവേളയ്ക്ക് ശേഷം നടി സായ് പല്ലവി ഇൻസ്റ്റ​ഗ്രാമിൽ പങ്കുവച്ച ചിത്രങ്ങൾ ഏറ്റെടുത്തിരിക്കുകയാണ് ആരാധകർ. പ്രകൃതിമനോഹരമായ പശ്ചാത്തലത്തിലുള്ള ചിത്രങ്ങൾക്ക് നടിമാരടക്കം നിരവധിപ്പേർ കമന്റുകൾ കുറിച്ചു. റാഷി ഖന്ന, ശിവദ തുടങ്ങിയവർ കമന്റ് ബോക്സിൽ എത്തിയപ്പോൾ നടി ഐശ്വര്യ ലക്ഷ്മി എഴുതിയ വാക്കുകളാണ് ആരാധകരുടെ മനം കവർന്നത്.

‘മലർ വൈബ്സ്’ എന്നാണ് ഐശ്വര്യ ചിത്രത്തിന് കമന്റ് നൽകിയിരിക്കുന്നത്.

അടുത്തിടെ ട്രിച്ചിയിലെ ഒരു സ്വകാര്യ കോളജിൽ പരീക്ഷയ്ക്ക് എത്തിയ സായ് പല്ലവിയുടെ ചിത്രങ്ങളും സമൂഹമാധ്യമങ്ങളിൽ വൈറലായിരുന്നു. കഴിഞ്ഞ മാസം 31നായിരുന്നു പരീക്ഷ. ഡോക്ടർമാർക്ക് വേണ്ടിയുള്ള ഫോറിൻ മെഡിക്കൽ ​ഗ്രാജുവേറ്റ് എക്സാമിനേഷനായാണ് താരം എത്തിയത്. താരത്തെ നേരിട്ടു കണ്ടതോടെ സെൽഫി എടുക്കാനും ഓട്ടോഗ്രാഫ് വാങ്ങാനുമായി കോളജിലെ സ്റ്റാഫും കുട്ടികളും സായിയെ പൊതിഞ്ഞു. മാസ്ക് മാറ്റി ആരാധകർക്കൊപ്പം നിന്ന് ഫോട്ടോ എടുക്കുന്ന ചിത്രങ്ങളാണ് വൈറലായത്.