മുംബൈ: ബിജെപി പ്രവര്‍ത്തകരില്‍ നിന്ന് തനിക്കും കുടുംബത്തിനും വധഭീഷണിയെന്ന് പ്രമുഖ നടന്‍ സിദ്ധാര്‍ത്ഥ്. തന്റെ ഫോണ്‍ നമ്പര്‍ തമിഴ്‌നാട് ബിജെപി പ്രവര്‍ത്തകരും ബിജെപി ഐടി സെല്ലും പ്രചരിപ്പിക്കുകയാണെന്നും ഇതിനോടകം 500 കോളുകള്‍ വന്നുകഴിഞ്ഞെന്നും സിദ്ധാര്‍ത്ഥ് ട്വിറ്ററില്‍ കുറിച്ചു.
കഴിഞ്ഞ 24 മണിക്കൂറായി തനിക്കും തന്റെ കുടുംബത്തിനും എതിരെ വധഭീഷണിയും ബലാത്സംഗ ഭീഷണിയും തുടരുകയാണെന്നും അദ്ദേഹം വ്യക്തമാക്കി.
എല്ലാ കോളുകളും റെക്കോര്‍ഡ് ചെയ്തിട്ടുണ്ടെന്നും പൊലീസിന് കൈമാറിയെന്നും അദ്ദേഹം പറഞ്ഞു. താന്‍ നിശബ്ദനാകില്ലെന്നും ശ്രമം തുടര്‍ന്നുകൊണ്ടേയിരിക്കൂ എന്നും പ്രധാനമന്ത്രി നരേന്ദ്ര മോദിയെയും കേന്ദ്ര ആഭ്യന്തര മന്ത്രി അമിത് ഷായെയും ടാഗ് ചെയ്തുകൊണ്ടുള്ള ട്വിറ്ററില്‍ കുറിച്ചു.
പ്രധാനമന്ത്രി നരേന്ദ്ര മോദിയുടെയും ബിജെപിയുടെയും സ്ഥിരം വിമര്‍ശകനായ സിദ്ധാര്‍ത്ഥ്, കോവിഡ് വ്യാപനത്തിന്റെ പശ്ചാത്തലത്തില്‍ രൂക്ഷ വിമര്‍ശനങ്ങള്‍ ഉന്നയിച്ചിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ