ചെന്നൈ: തമിഴ് നടന്‍ വിക്രമിന് കോവിഡ് സ്ഥിരീകരിച്ചു. താരം ബസന്ത് നഗറിലുള്ള വസതിയില്‍ സ്വയംനിരീക്ഷണത്തില്‍ കഴിയുകയാണ്. പേടിക്കാനൊന്നുമില്ലെന്നും എല്ലാവരുടെയും പ്രാര്‍ത്ഥനങ്ങള്‍ക്ക് നന്ദിയെന്നും വിക്രമിന്റെ മാനേജര്‍ സൂര്യനാരായണന്‍ ട്വീറ്റ് ചെയ്തിട്ടുണ്ട്.
പുതിയ ചിത്രം തുടങ്ങാനിരിക്കെയാണ് വിക്രമിന് കോവിഡ് ബാധിച്ചത്. മകന്‍ ധ്രുവിനൊപ്പം അഭിനയിച്ച മഹാന്‍ ആണ് പ്രദര്‍ശനത്തിനെത്താനിരിക്കുന്ന ചിത്രം. മണിരത്‌നത്തിന്റെ പൊന്നിയില്‍ സെല്‍വം ചിത്രത്തിന്റെ ഡബ്ബിംഗ് വിക്രം പൂര്‍ത്തിയാക്കിയിരുന്നു.
അടുത്തിടെ കമല്‍ഹാസനും കോവിഡ് ബാധിച്ചിരുന്നു. നേരിയ ലക്ഷണങ്ങളോടെ അദ്ദേഹത്തെ ശ്രീരാമചന്ദ്ര മെഡിക്കല്‍ സെന്ററില്‍ പ്രവേശിപ്പിച്ചിരുന്നു. ഒരാഴ്ച്ചയ്ക്കു ശേഷം അദ്ദേഹം സുഖംപ്രാപിക്കുകയും ചെയ്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ