മലയാളത്തിന്റെ പ്രിയതാരമാണ് ഹരിശ്രീ അശോകൻ. താരത്തിന്റെ കോമഡി കഥാപാത്രങ്ങളെല്ലാം ഇന്നും ആരാധകർക്ക് പ്രിയപ്പെട്ടതാണ്. ഇന്നാൽ ഇപ്പോൾ തന്റെ പുതിയ ചിത്രം പങ്കുവച്ച് ആരാധകരെ ഞെട്ടിച്ചിരിക്കുകയാണ് താരം. വർക്കൗട്ടിന് ഇടയിലുള്ളതാണ് ചിത്രം.
വൈറലായി ചിത്രം
ജിമ്മിന്റെ ചുമരിൽ കാല് കയറ്റി വച്ച് നിൽക്കുന്ന ഹരിശ്രീ അശോകനെയാണ് ചിത്രത്തിൽ കാണുന്നത്. സൂപ്പർഹിറ്റായ മോഹൻലാലിന്റെ ഇത്തിക്കര പക്കി സ്റ്റൈലിലുള്ള നിൽപ്പ് സോഷ്യൽ മീഡിയയിൽ വൈറലാവുകയാണ്. നിരവധി ആരാധകരാണ് രസകരമായ കമന്റുമായി പോസ്റ്റിന് അടിയിൽ വരുന്നത്.
രമണൻ മരണ മാസ്
ബ്രൂസ്ലി രമണൻ എന്നായിരുന്നു ഒരാളുടെ കമന്റ്. 'ഇത്തിക്കരപ്പക്കി മാസ് ആണേൽ, രമണൻ മരണ മാസ് ആണ്' എന്നും ഒരാൾ കമന്റ് ചെയ്തു. ഈ പ്രായത്തിലും അസാധ്യ മെയ് വഴക്കം കാണിക്കുന്ന താരത്തിനെ അഭിനന്ദിക്കാനും ആരാധകർ മറന്നില്ല. അതിനിടെ പഴയപോലെ കോമഡി കഥാപാത്രങ്ങളുമായി വരണമെന്നും നിരവധി പേർ ആവശ്യപ്പെടുന്നുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ