സുധാ കൊംഗാര സംവിധാനം ചെയ്ത് സൂര്യ നായകനും അപർണ ബാലമുരളി നായികയുമായെത്തിയ തമിഴ് ചിത്രം ‘സൂരറൈ പോട്ര്’ ഓസ്കറിൽ മത്സരിക്കും. ജനറൽ ക്യാറ്റഗറിയിലായിരിക്കും ചിത്രം മത്സരിക്കുക എന്നാണ് റിപ്പോർട്ടുകൾ. മികച്ച നടൻ, മികച്ച നടി, മികച്ച സംവിധായകൻ അടക്കമുള്ള വിഭാഗങ്ങളിലേക്ക് ചിത്രം മത്സരിക്കുമെന്ന് ചിത്രത്തിന്റെ സഹനിർമാതാവായ രാജശേഖർ പാണ്ഡ്യനാണ് അറിയിച്ചത്.
കുറഞ്ഞ ചിലവിൽ സാധാരണക്കാർക്കു വിമാനത്തിൽ യാത്രചെയ്യാൻ കഴിയുന്ന എയർ ഡെക്കാൻ സ്ഥാപകൻ ക്യാപ്റ്റൻ ഗോപിനാഥിന്റെ ജീവിതത്തെ ആസ്പദമാക്കിയുള്ള ചിത്രമാണ് സൂരറൈ പോട്ര്. കോവിഡ് പ്രതിസന്ധികൾ ഉള്ളതിനാൽ ഓസ്കറിന് അയക്കാൻ സാധിക്കുന്ന സിനിമകൾക്കുള്ള നിയമങ്ങളിൽ പല മാറ്റങ്ങളും ഉൾപ്പെടുത്തിയിരുന്നു. ഇതോടെയാണ് ഒടിടി പ്ലാറ്റ്ഫോമിൽ റിലീസിനെത്തിയ ചിത്രത്തിനും മത്സരിക്കാൻ അവസരമൊരുങ്ങിയത്.
ജൂറി അംഗങ്ങൾക്കായി സിനിമയുടെ അണിയറപ്രവർത്തകർ ഷോ സംഘടിപ്പിക്കുകയാണ് സാധാരണ പതിവ്. എന്നാൽ ഇക്കുറി ഓസ്കർ നടപടികളെല്ലാം വിർച്വൽ ആണ്. സിനിമയുടെ ലിങ്ക് അയച്ച ശേഷം ജൂറി അംഗങ്ങൾ ചിത്രം ഓൺലൈനായി കാണും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ