സിഐഡി മൂസ എന്ന ഹിറ്റ് ചിത്രത്തിലൂടെ മലയാളികളുടെ ശ്രദ്ധ നേടിയ ബോളിവുഡ് നടനാണ് ആശിഷ് വിദ്യാർഥി. ഇപ്പോൾ താരത്തിന് കോവിഡ് സ്ഥിരീകരിച്ചിരിക്കുകയാണ്. ഇൻസ്റ്റഗ്രാമിൽ പങ്കുവെച്ച വിഡിയോയിലൂടെയാണ് കോവിഡ് പോസിറ്റീവായ വിവരം അദ്ദേഹം ആരാധകരെ അറിയിച്ചത്. തുടർന്ന് താരത്തെ ഡൽഹിയിലെ ആശുപത്രിയിൽ പ്രവേശിപ്പിച്ചു.
ഞാൻ ആഗ്രഹിക്കാതിരുന്ന ഏക പോസിറ്റീവാണ് ഇത് എന്ന അടിക്കുറിപ്പിലാണ് താരം വിഡിയോ പങ്കുവെച്ചത്. താനുമായി സമ്പർക്കത്തിൽ വന്നവർ ടെസ്റ്റ് ചെയ്യണമെന്നും അദ്ദേഹം പറഞ്ഞു. നിലവിൽ തനിക്ക് കാര്യമായ ലക്ഷണങ്ങളൊന്നുമില്ലെന്നും അതിനാൽ ബുദ്ധിമുട്ടുകളൊന്നുമില്ലെന്നാണ് താരം പറയുന്നത്. നിരവധി ആരാധകരാണ് താരത്തിന് മികച്ച ആരോഗ്യം നേർന്നുകൊണ്ട് രംഗത്തെത്തിയിരിക്കുന്നത്. സോഷ്യൽ മീഡിയയിൽ ആക്റ്റീവായ ആശിഷ് തന്റെ വിശേഷങ്ങളെല്ലാം ആരാധകരുമായി പങ്കിടാറുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ